Aryna Sabalenka, die verdedigende Australiese Ope-kampioen, het pas haar 14de wedstryd op ʼn streep in Australië gewen.
Die 25-jarige Belarussiese speler het vir Daria Kasatkina met 6-1 en 6-4 geklop om vir die halfeindstryd van die Brisbane International-toernooi te kwalifiseer.
Sy sal in een van die halfeindstryde teen haar landgenoot, Victoria Azarenka, te staan kom.
Sabalenka behoort die gunsteling te wees om die wedstryd te wen: Sy het reeds drie van die twee spelers se vorige vier kragmetings gewen.
Aryna + Australia = W@SabalenkaA racks up a 14th straight win down under dispatching Kasatkina 6-1, 6-4 to reach the final four.#BrisbaneTennis pic.twitter.com/rjGzm4fEMu
— wta (@WTA) January 5, 2024
In teenstelling met Sabalenka se blitsvertoning teen Kasatkina, het Azarenka met tye harde bene teen Jelena Ostapenko gekou.
Dit het haar meer as twee uur geneem om die wedstryd met 6-3, 3-6 en 7-5 te beklink.
Battling to the end ⚔️@vika7 secures her spot in the semifinals after defeating Ostapenko in a three set thriller 6-3, 3-6, 7-5. #BrisbaneTennis pic.twitter.com/HG7WPD5g0l
— wta (@WTA) January 5, 2024
In die mansafdeling het Grigor Dimitrov, Holger Rune en Roman Safiullin reeds hul plekke in die halfeindstryde bespreek, terwyl Rafael Nadal teen Jordan Thompson in die finale kwarteindstryd speel.
Die telling is tans 2-2 in die eerste stel.
- Kwarteindstryd-uitslae:
Vroue:
Aryna Sabalenka klop Daria Kasatkina met 6-1 en 6-4
Elena Rybakina klop Anastasia Potapova met 6-1 (Potapova onttrek aan wedstryd)
Linda Noskova klop Mirra Andreeva met 7-5 en 6-3
Victoria Azarenka klop Jelena Ostapenko met 6-3, 3-6 en 7-5
Mans:
Grigor Dimitrov klop Rinky Hijikata met 6-1 en 6-4
Holger Rune klop James Duckworth met 6-2 en 7-6
Roman Safiullin klop Matteo Arnaldi met 7-6 en 6-2.