Suid-Afrika se nuwe swemsensasie Tatjana Schoenmaker het haar eerste goue medalje by die Wêreldbeker-byeenkoms in Tokio gewen.
Die byeenkoms het Vrydag in dié stad begin.
Schoenmaker het die 200 m-borsslag met ʼn indrukwekkende nuwe Wêreldbeker-tyd van 2:22.35 gewen, ʼn verbetering op Viktoria Gunes se 2015-rekord van 2:22.87.
Die silwer en brons het gegaan aan Japan se Reona Aoki met ʼn tyd van 2:24.33 en Spanje se Jessica Vall Montero met ʼn tyd van 2:25.32.
Schoenmaker neem môre ook aan die 100 m-borsslag deel. Sy het by die Wêreldbeker-byeenkoms sesde in dié nommer geëindig.
Dit is die 22-jarige se debuut by ʼn Wêreldbeker-byeenkoms.
Sy was onlangs ook die eerste Suid-Afrikaanse vrou wat ʼn medalje by die Wêreldkampioenskap kon verower toe sy tweede in die 200 m-borsslag klaargemaak het.
Baie geluk Tatjana! Hoop daar is vir jou nog hope goues vorentoe!!!