Hy is nou wel 37 jaar oud, beskryf homself as ’n “ou man” en het in April laas ’n krieketwedstryd gespeel, maar AB de Villiers kan steeds saam met die beste in die T20-wêreld gesels.
Die voormalige Protea-kaptein het in ’n oefenwedstryd tussen die Harshal Patel XI-tal en die Devdutt Paddikal XI-tal 104 lopies van 46 balle gemoker. Sy beurt het sewe viere en tien sesse ingesluit.
Dit was dalk net ’n oefenwedstryd, maar die Royal Challengers Bangalore-mediaspan het ’n video van De Villiers se kolfwerk in die nette beskikbaar gestel en dit lyk inderdaad asof hy nog enige aflewering met die grootste gemak na die grens kan jaag.
Die IPL word binnekort in die Verenigde Arabiese Emirate (VAE) hervat nadat die wêreldwye Covid-19-pandemie die aanvanklike toernooi gekniehalter het.
De Villiers het toe in ses Indiese Premierliga-beurte 207 lopies teen ’n treftempo van 164,28 geslaan en iemand soos Virender Sehwag het sy lof besing.
“AB de Villiers speel dikwels houe wat net hy in wêreldkrieket kan speel. Ek dink nie ’n mens hoef na verdere beskrywende name of selfs gedigte te soek om hom te beskryf nie. Mnr. 360° pas perfek by hom, ” het die oud-openingskolwer van Indië gesê.
Dit kan baie warm in die VAE word en die spelers sal ongetwyfeld ook met hoë humiditeitsvlakke te doene kry.
“Ons gaan beslis baie sweet, wat seker nie ’n slegte ding is as jy ’n bietjie gewig wil verloor nie, maar vir ’n ou man soos ek is dit belangrik om so vars moontlik te bly,” het De Villiers geskerts.
’n Paneel van voormalige Indiese krieketspelers het hom vroeër as die beste kolwer in IPL-geskiedenis aangewys.
Die RCB speel Maandag sy eerste wedstryd teen die Kolkata Knight Riders in Abu Dhabi.
Bold Diaries: RCB’s Practice Match
AB de Villiers scores a century, KS Bharat scores 95 as batsmen make merry in the practice match between Devdutt’s 11 and Harshal’s 11.#PlayBold #WeAreChallengers #IPL2021 pic.twitter.com/izMI4LCSG1
— Royal Challengers Bangalore (@RCBTweets) September 15, 2021
Just sit back and enjoy, 12th Man Army. ????@ABdeVilliers17 #PlayBold #WeAreChallengers #IPL2021 #Reels pic.twitter.com/4fOMPG4ai2
— Royal Challengers Bangalore (@RCBTweets) September 14, 2021
Well gedaan AB,