Ronald Brown probeer verby die Argentynse verdediging glip. (Foto: X/Blitsbokke)
Dit is moeilik om die vlieënde Argentyne op die sewesrugbyveld te stuit. Die Suid-Amerikaners het vanoggend die Blitsbokke met 19 – 5 in die twee spanne se laaste groepwedstryd in Perth geklop.
Ondanks ʼn Blitsbok-drie (dankie, Quewin Nortjé) en German Schulz se geel kaart, het Argentinië steeds ʼn rustydvoorsprong van 14 – 5 geniet.
In die tweede helfte het hulle bloot die Blitsbokke weg van hul doellyn gehou, terwyl Marcos Moneta se drie die finale spyker in die Suid-Afrikaners se doodskis was.
Die Blitsbokke het nogtans genoeg in hul vorige wedstryde teen Kanada en Spanje gedoen om vir die bekerkwarteindstryd te kwalifiseer.
Hulle speel om 13:00 teen Fidji.
Great support play leads to the try by Isgro#HSBCSVNS | #HSBCSVNSPER | @lospumas7arg pic.twitter.com/LgutAPr8Uo
— HSBC SVNS (@SVNSSeries) January 27, 2024
Vandag se uitslae:
Spanje 33 – 12 Kanada
Argentinië 19 – 5 Suid-Afrika
Frankryk 19 – 14 Samoa
VSA 17 – 10 Groot-Brittanje
Ierland 19 – 10 Australië
Kwarteindstryd-bepalings:
12:10: Ierland teen Frankryk
12:35: Argentinië teen Spanje
13:00: Suid-Afrika teen Fidji
13:25: VSA teen Australië.
