Danré se skopskoen laat Franse telbord rol

Danré Gerber se skopskoen het Vrydag, soos hy gereeld doen, weer die telbord in die Franse Pro D2-liga laat rol.

Die seun van die Springboklegende Danie Gerber het 12 van Mont de Marsan se punte in sy groot oorwinning van 37-6 oor Narbonne behaal.

Gerber jr, wat vir die Boland as senter uitgedraf het voor hy Frankryk toe verhuis het, het met drie doelskoppe en twee strafdoele geslaag.

♦ In nog ʼn wedstryd in die reeks het die gewese SA o.20-skrumskakel James Hall ʼn drie vir Oyonnax teen Dax gedruk.

Sy span het die kragmeting met 46-26 gewen.

Hall het verlede jaar Superrugby vir die Kings gespeel voor hy ʼn driejaarkontrak met die Franse klub gesluit het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae