Ier kry meer stemme as Eben

Eben Etzebeth op die aanval. Foto: Adrian Dennis/AFP.

Rugbyondersteuners het beslis dat Ierland se Caelan Doris die beste speler van die pasvoltooide Autumn Nations-reeks is.

Die 23-jarige losvoorspeler van Leinster het 26% van die stemme gekry nadat hy ’n sleutelrol in die Iere se spogvertoning teen die All Blacks in Dublin gespeel het.

Hy is as die speler van die wedstryd aangewys nadat hy 84 m met die bal in die hand gevorder het, twee verdedigers na lug laat gryp het en 12 suksesvolle duikslae uitgevoer het.

Dan het hy ook ’n baie belangrike drie in die tweede helfte gedruk.

The votes are in! Caelan Doris of @IrishRugby and @LeinsterRugby is YOUR #AutumnNationsSeries Player of the Series!! ☘️

Played every minute of Ireland's unbeaten ANS Campaign ⏱️
POTM vs New Zealand ????
First ever international try ✅ pic.twitter.com/cGgCMeDVad

— Autumn Nations Series (@autumnnations) November 29, 2021

Kort op sy hakke was Suid-Afrika se Eben Etzebeth wat 22% van die stemme verkry het.

Die vurige slot het ’n barshou in die Springbokke se laaste toerwedstryd teen Engeland op Twickenham gespeel: Hy het 46 m met die bal gevorder, terwyl hy 13 Engelsmanne met sy plettervatte in hul spore gestuit het.

Daarbenewens was hy ook ’n kolos in die Suid-Afrikaners se oorwinnings teen Wallis en Skotland en hy was die enigste speler uit die Suidelike Halfrond wat vir die toekenning benoem is.

Uitslae:

1. Caelan Doris 26%
2. Eben Etzebeth 22%
3. Freddie Steward 20%
4. Antoine Dupont 14%
5. Marcus Smith 10%
6. Romain Ntamack 8%

Already one of the best players in the world, is Eben Etzebeth also your Player of the Series? ????

Head over to our website now to vote for him as your winner! ????#AutumnNationsSeries #PlayeroftheSeries #EbenEtzebeth #Springboks #Boks #RSA pic.twitter.com/N9PRvop6AJ

— Autumn Nations Series (@autumnnations) November 26, 2021