Ikeys het meer as 90 punte teen die Universiteit van Wes-Kaapland aangeteken. (Foto: X/Varsitybeker)
Dit was oudergewoonte ʼn aksiebelaaide Maandag met ʼn paar opwindende Varsitybeker-wedstryde. Die NWU-Pukke, Maties en UJ het as oorwinnaars van die veld gestap, terwyl Ikeys meer as 90 punte teen die Universiteit van die Wes-Kaapland aangeteken het.
Ikeys draai die driedrukkrane groot oop
Ikeys het ʼn rits sewepuntdrieë gedruk om die Universiteit van Wes-Kaapland met 91 – 9 in Bellville te oorrompel.
Luke Burger het vier drieë in die kragmeting gedruk en die Kaapstad-span beklee tans die tweede plek op die amptelike punteleer.
- Puntemakers:
Ikeys: Drieë: Luke Burger (4), Keagan Blanckenberg (2), Mika Schubert (2), Joshua Miller, Ntokozo Makhaza, Tian Vorster en Alexander Vermeulen. Doelskoppe: Makhaza (5) en Vermeulen (3).
UWK: Drie: Hlomla Ncana. Doelskop: Aaron Swartz.
Round 6 FNB Varsity Cup matchday wrap! @theNWU go top of the log, @MatiesSport beat Shimlas, the @ikeytigers smash UWC to lift Chester Williams Memorial trophy and @UJ_Sport are the kings of Joburg!#RugbyThatRocks https://t.co/xtOs8Rcehf
— Varsity Cup (@varsitycup) March 25, 2024
Pukke staan sterk in Bloemfontein
ʼn Rooi kaart en ʼn vurige tuisspan-terugvegpoging ná rustyd het nie die NWU-Pukke van stryk gebring nie en hulle het die Ixias met 53 – 46 in Bloemfontein geklop.
Die Potchefstroomse studente het – selfs nadat Miyelani Ngobeni vir ʼn gevaarlike duikslag van die veld gestuur is – ʼn rustydvoorsprong van 37 – 12 geniet.
Ná die asemskepsessie moes hulle egter op verdediging bontstaan, maar hulle het genoeg gedoen om die wedstryd te wen.
- Puntemakers:
NWU-Pukke: Drieë: Tian van Zyl (2), Arnold Vlok, Matome Manyama, Naiden Jaarts, Luan van der Walt en Calvin Clack. Doelskoppe: Zinedine Robinson (7).
Ixias: Drieë: Mamello Moshoaliba, Zac Bester, Adielson Gouveia en Jan-Hendrik Bessenger. Doelskoppe: Juan Smith (4). Strafskoppe: Smith (3).
Marais behaal driekuns teen Shimlas
In nóg ʼn Bloemfontein-kragmeting het Maties die Shimlas se wenlopie kortgeknip. Die Stellenbosch-studente het die wedstryd met 38 – 29 gewen.
Dewet Marais het ʼn driekuns van drieë vir die besoekers behaal.
- Puntemakers:
Maties: Drieë: Dewet Marais (3), Hofmeyr Retief, Eric Basson en Jacobus Nel. Doelskoppe: Juan Mostert (4).
Shimlas: Drieë: Michael Annies, Pierre Uys, Neels Volschenk en Jandré Nel. Doelskoppe: Ethan Wentzel (2). Strafskop: Wentzel.
FULL TIME in Bloem and @MatiesSport have picked up an epic away win against log leaders Shimlas in a nail-biting back and forth thriller! DeWet Marais with a hattrick for the maroon machine.
FNB UFS 29 – 38 FNB Maties#RugbyThatRock brought to you by FNB, Steers and Suzuki. pic.twitter.com/D3QdflYnDS
— Varsity Cup (@varsitycup) March 25, 2024
UJ wen Johannesburg-derby
Die Universiteit van Johannesburg het sy eerste oorwinning van die toernooi behaal toe hy vir Wits met 49 – 26 geklop het.
Die tuisspan het ses drieë op die UJ-stadion gedruk en hulle het ná die eerste helfte met 16 – 12 voorgeloop.
- Puntemakers:
UJ: Drieë: Sfiso Dlamini (2), Kurtley Kiewiet, Likhona Finca, Connor van Buuren en David Cary. Doelskoppe: Kiewiet (5) en Rowan Malgas. Strafskop: Kiewiet.
Wits: Drieë: Dewet Lottering, Dustyn Holmes, Luhle Matyolweni en Setshaba Mokoena. Doelskoppe: Mokoena (2) en Tireque Apolles.
UJ stadium erupts as the Orange Army run it from inside their 22 and Likhona Finca crosses the line for another excellent long range @UJ_Sport try!#RugbyThatRocks @go2uj pic.twitter.com/qBcYLREdAF
— Varsity Cup (@varsitycup) March 25, 2024
- Varsitybeker-punteleer:
- NWU-Pukke: 25 punte ná ses wedstryde
- Ikeys: 23 punte ná ses wedstryde
- Maties: 23 punte ná ses wedstryde
- Shimlas: 23 punte ná ses wedstryde
- Wits: 14 punte ná ses wedstryde
- Ixias: 12 punte ná ses wedstryde
- UJ: 8 punte ná ses wedstryde
- UWK: 1 punt ná ses wedstryde
