Ses spanne neem vanjaar in twee groepe aan die jaarlikse Mynerugbyweek deel, wat van Dinsdag af in die Griffons-stadion in Welkom beslis word.
Só laat weet Deon de Villiers, die toernooidirekteur, aangaande die byeenkoms wat tot Vrydag duur.
Lonmin, Northam en Sibanye Platinum speel in Groep A; en Tau Lekoa, Harmony en Sibanye Gold in Groep B.
Die verdedigende kampioen, Lonmin, skop die toernooi Dinsdag 13:30 teen Northam af; en verlede jaar se naaswenner en vanjaar die gasheer, Harmony, meet 15:30 met Sibanye Gold kragte.
Die res van die program –
Woensdag
13:30 Northam teen Sibanye Plats; 15:30 Tau Lekoa teen Sibanye Gold.
Donderdag
13:30 Lonmin teen Sibanye Plats; Harmony teen Tau Lekoa.
Vrydag
09:00 “Bowl”-eindstryd; 10:30 Plaateindstryd; 12:00 Eindstryd.
