Springbokspan: Allister trek die Lions se tande

Allister Coetzee – weer vreemde keuses. (Foto: Saru)

Dalk is ʼn mens eenogig, of dalk is dit omdat die Crusaders die Lions in die eindstryd van die Superrugbyreeks op Ellispark geklop het, maar van die keuses van die Bokafrigter, Allister Coetzee, vir sy Springbokgroep maak mos nie sin nie.

Volgens SA Rugby se  mediaverklaring is die groep gekies “vir die begin” van die Rugbykampioenskap. Die eerste toets is op 19 Augustus teen Argentinië in die Nelson Mandelabaai-stadion.

Kom ons maak sommetjies: Daar is agt spelers van die Bulls en Stormers ingesluit, sewe van die Lions, ses van die Sharks, vier van die Cheetahs en net een oorsese speler, Francois Hougaard.

Het die Lions dan nie die kern van die span uitgemaak wat die Franse in Junie in die reeks van drie toetse geklop het nie? Het die Lions dan nie (verreweg) die beste van enige Suid-Afrikaanse span in die Superreeks gevaar nie? Het die Lions dan nie al die ander Suid-Afrikaanse spanne in die plaaslike derbies geklop nie?

Kan Coetzee-hulle werklikwaar met die moed van oortuiging sê dat Raymond Rhule beter as Ruan Combrinck is? Het hulle van daai skop van 60 m vergeet wat die Lions in die kwarteindronde  teen die Sharks laat wen het?

Is Damian de Allende werklikwaar ʼn beter keuse as Lionel Mapoe, en ook Rohan Janse van Rensburg? Ja, Mapoe gaan Japan toe om sy pensioen aan te vul en kan glo weer nader getrek word. Dit beteken mos dat hy gepos is.

Is Trevor Nyakane ʼn beter keuse as Ruan Dreyer? Ja, Dreyer word pa en kry glo “kraamverlof”, maar om te sê dat Nyakane aan albei kante kan skrum, laat ʼn mens in die duister.

Daar is dan vyf ander stutte (Beast Mtawarira, Lizo Gqoboka, Frans Malherbe, Steven Kitshoff en Coenie Oosthuizen) ook in die groep. Gaan Dreyer weer sy kans kry, want wanneer gaan almal speel?

Ja, die Crusaders het (weer) die leemtes in Suid-Afrikaanse rugby uitgewys, gewys dat jy jou kanse moet gebruik, jou foute tot ’n minimum moet beperk. Tog het die Lions die veelgeroemde Hurricanes (Nieu-Seeland se tweede beste span, verlede jaar se kampioen en die enigste span wat vanjaar die  Crusaders kon klop) ore aangesit.

Hulle het gewys dat die gaping vernou is, dat daar tog met die All Blacks meegeding kan word, mits die regte speelpatroon gevolg word.

Springbokgroep –

Voorspelers
Uzair Cassiem, Lood de Jager, Dan du Preez, Jean-Luc du Preez, Pieter-Steph du Toit, Eben Etzebeth, Lizo Gqoboka, Steven Kitshoff, Siya Kolisi, Jaco Kriel, Frans Malherbe, Malcolm Marx, Bongi Mbonambi, Oupa Mohoje, Franco Mostert, Beast Mtawarira, Trevor Nyakane, Coenie Oosthuizen, Chiliboy Ralepelle.
Agterspelers
Curwin Bosch, Andries Coetzee, Ross Cronje, Damian de Allende, Warrick Gelant, Francois Hougaard, Elton Jantjies, Jesse Kriel, Dillyn Leyds, Rudy Paige, Handré Pollard, Raymond Rhule, Jan Serfontein, Courtnall Skosan, Francois Venter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Jacques

Ek is seker Damian De Allende het een of ander geheime video van Allister wat hy in die bank hou

Abel van der Merwe

Dit lyk asof gedwonge spankeuses gemaak moet word en ek raai, om nie in die Minister van Sport se slegte boekies te kom nie. Elke keer is dit opvallend hoe ‘n onderpresteerder gekies word in die plek van ‘n speler wat sy hand al lank al op steek. Moet ons gewoond raak aan die gebruik of moet ons gal braak. Dit is jammer dat die manne in die binnekringe nie eerlike kommentare in die media bekend stel nie. Dit kan maak dat ons hul denkrigtings verstaan en nie raai dat dit politiek is wat ‘n groot rol speel nie. Ons… Lees meer »

Dereck Le Roux

Almal se dat AlisterCoetzee nie ‘n afrigter se [email protected] is nie maar ek is een van die min ouens wat vir hom opkom om te se dat hy inderdaad ‘n afrigter se [email protected] is.

Rupert Ashford

Hoe werk die “kwota” reel nou? Die een wat nie bestaan nie?;-)

Dirkie

Wees bly dus net De Allende, as De Jongh nog vir WP by speel het was Hy seker in Serfontein se plek genies. Dus Coetzee se 2 WP helde dai. Combrink sal seker moet wag tot n nuwe coach gekies word. Rhule beter as Combrink? Dan kyk ek seker met toe ogies. Page het ook seker n geheime video van Toetie.