Duhan van der Merwe. Foto: Twitter.
Die Sesnasiesreeks begin in alle erns hierdie naweek. En oudergewoonte is daar weer ’n hele paar Suid-Afrikaans gebore spelers in die Europeërs se spanne.
- Italië teen Frankryk (Saterdag om 16:15):
Die Italianers, wat deur die voormalige Cheetahs-breier Franco Smith afgerig word, het vir Johan Meyer op flank gekies.
Meyer het ’n hele paar wedstryde vir die Haaie gespeel en dit sal sy tiende kragmeting in die kleure van Italië wees.
Dan kan die Fransmanne op hul beurt op die dienste van Paul Willemse en Bernard le Roux as slotpaar staatmaak.
Italië: Jacopo Trulla (heelagter), Luca Sperandio (regtervleuel), Marco Zanon (buitesenter), Ignacio Brex (binnesenter), Monty Ioane (linkervleuel), Paulo Garbisi (losskakel), Stephan Varney (skrumskakel), Michele Lamaro (agtsteman), Johan Meyer (flank), Sebastian Negri (flank), David Sisi (slot), Marco Lazzaroni (slot), Marco Riccioni (stut), Luca Bigi (haker) en Cherif Traore (stut). Plaasvervangers: Gianmarco Lucchesi, Danilo Fischetti, Giosue Zilocchi, Niccolo Cannone, Frederico Ruzza, Maxime Mbanda, Guglielmo Palazzani en Carlo Canna.
Frankryk: Brice Dulin (heelagter), Teddy Thomas (regtervleuel), Arthur Vincent (buitesenter), Gael Fickou (binnesenter), Gabin Villiere (linkervleuel), Matthieu Jalibert (losskakel), Antoine Dupont (skrumskakel), Gregory Alldritt (agtsteman), Charles Ollivon (flank), Dylan Cretin (flank), Paul Willemse (slot), Bernard le Roux (slot), Mohamed Haouas (stut), Julien Marchand (haker) en Cyril Baille (stut). Plaasvervangers: Pierre Bourgarit, Jean-Baptiste Gros, Dorian Aldegheri, Romain Taofifenua, Anthony Jelonch, Baptiste Serin, Louis Carbonel en Damian Penaud.
- Engeland teen Skotland (Saterdag om 18:45):
Jaco van der Walt. Foto: Thibaud Moritz/AFP.
Die verdedigende kampioen Engeland begin sy veldtog teen Skotland op Twickenham. Die Springbokke se skrumghoeroe gedurende die 2019-Wêreldbeker-rugbytoernooi, Mat Proudfoot, is deesdae een van die Rose se hulpafrigters.
Die Engelsmanne sal egter met ’n rits Suid-Afrikaans gebore spelers in Skotse drag te doen kry.
Duhan van der Merwe sal sy vyfde internasionale wedstryd vir Skotland speel wanneer hy op linkervleuel uitdraf, terwyl Oli Kebble, WP Nel en Jaco van der Walt op die plaasvervangersbank is.
Engeland: Elliot Daly (heelagter), Anthony Watson (regtervleuel), Henry Slade (binnesenter), Ollie Lawrence (binnesenter), Jonny May (linkervleuel), Owen Farrell (losskakel), Ben Youngs (skrumskakel), Billy Vunipola (agtsteman), Tom Curry (flank), Mark Wilson (flank), Jonny Hill (slot), Maro Itoje (slot), Will Stuart (stut), Jamie George (haker) en Ellis Genge (stut). Plaasvervangers: Luke Cowan-Dickie, Beno Obano, Harry Williams, Courtney Lawes, Ben Earl, Dan Robson, George Ford en Max Marlins.
Skotland: Stuart Hogg (heelagter), Sean Maitland (regtervleuel), Chris Harris (buitsenter), Cameron Redpath (binnesenter), Duhan van der Merwe (linkervleuel), Finn Russell (losskakel), Ali Price (skrumskakel), Matt Fagerson (agtsteman), Hamish Watson (flank), Jamie Ritchie (flank), Jonny Gray (slot), Scott Cummings (slot), Zander Fagerson (stut), George Turner (haker) en Rory Sutherland (stut). Plaasvervangers: David Cherry, Oli Kebble, WP Nel, Richie Gray, Gary Graham, Scott Steele, Jaco van der Walt en Huw Jones.
- Wallis teen Ierland (Sondag om 17:00):
Die twee spanne vir die kragmeting is nog nie bekend nie.
