Suid-Afrika se vrouesewesspan het inderdaad sleg teen Nieu-Seeland verloor, maar goeie vertonings teen Fidji en Brasilië beteken dat daar later vanaand in die kwarteindstryd van die Los Angeles-sewestoernooi teen die VSA gespeel sal word.
Die span beklee tans die laaste plek op die amptelike ranglys nadat hulle verlede naweek gesukkel het om die mas in Vancouver op te kom.
Maar hulle het vroeër in Perth gewys dat hulle oor die vermoë beskik om wedstryde te wen toe hulle met Spanje en Groot-Brittanje afgereken het.
"Nadine Roos answers back for South Africa" ????????????#HSBCSVNS | #HSBCSVNSLAX pic.twitter.com/f2wDGLTIaF
— HSBC SVNS (@SVNSSeries) March 3, 2024
Daarteenoor duur die Blitsbokke se treurmare voort.
Die Suid-Afrikaners het sleg teen Ierland en Argentinië verloor, waarna hulle Spanje met drie punte geklop het. Hulle het egter weer uit die bus teen Samoa geval.
Die Blitsbokke sal nou vanaand om 21:48 sake uitspook teen Kanada om die 11de plek in die toernooi. ʼn Mens sou nooit sê dat dié span die silwerware in Dubai omhoog gehou het nie.
"The big battering ram" ????
Gonzales slides over in the rain ????️#HSBCSVNS | #HSBCSVNSLAX | @lospumas7arg pic.twitter.com/3OYmKEga6P
— HSBC SVNS (@SVNSSeries) March 2, 2024
Uitslae:
Mans:
0 – 17 teen Ierland
5 – 17 teen Argentinië
22 – 19 teen Spanje
10 – 19 teen Samoa
Vroue:
5 – 41 teen Nieu-Seeland
19 – 7 teen Fidji
10 – 7 teen Brasilië
Komende bepalings:
Mans:
Suid-Afrika teen Kanada om 21:48 (uitspeelwedstryd om die 11de plek)
Vroue:
Suid-Afrika teen die VSA om 20:58 teen die VSA (kwarteindstryd)