Bekendstelling: Kleiner enjin vir kleinste Volvo-sportnuts

Die Volvo XC40. Foto: Verskaf

Die Volvo XC40 is in April 2018 in Suid Afrika bekendgestel. Sedertdien is daar 346 eenhede verkoop, ʼn goeie aantal vir die eerste vyf maande. Die XC40 is Volvo se kleinste sportnutsvoertuig en het tot nou slegs viersilinder-binnebrandenjins gehad.

Die splinternuwe 1.5-driesilinderenjin is die eerste driesilinder in die maatskappy se 91 jaar lange geskiedenis. Dieselfde modulêre benadering as wat met Volvo se Drive-E-enjins gebruik word, is hier toegepas. Die enjin is nou beskikbaar met ʼn 6-spoed-handrat, en sal later met ʼn 8-spoed-outo beskikbaar wees.

Dié enjin is spesifiek ontwerp om later van tyd te integreer met Twin Engine- inprophibridiese motors. Die T3 bied 115 kW en 265 Nm, indrukwekkend vir so ʼn klein kapasiteit enjin.

Die reeks lyk nou só:

XC40 T3 handrat Momentum115 kW/265 Nm6.2 ℓ/100 kmR486 500
XC40 T3 handrat Inscription115 kW/265 Nm6.2 ℓ/100 kmR518 200
XC40 T3 handrat R-Design115 kW/265 Nm6.2 ℓ/100 kmR525 300
XC40 D4 Geartronic AWD Momentum140 kW/400 Nm5.1 ℓ/100 kmR599 000
XC40 T5 Geartronic AWD Momentum185 kW/350 Nm7.2 ℓ/100 kmR605 300
XC40 D4 Geartronic AWD Inscription140 kW/400 Nm5.1 ℓ/100 kmR630 700
XC40 T5 Geartronic AWD Inscription185 kW/350 Nm7.2 ℓ/100 kmR637 000
XC40 D4 Geartronic AWD R-Design140 kW/400 Nm5.1 ℓ/100 kmR637 800
XC40 T5 Geartronic AWD R-Design185 kW/350 Nm7.2 ℓ/100 kmR644 100

Die reeks word gedek deur ʼn 5 jaar/100 000 km-waarborg en omvattende instandhoudingsplan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.