(Foto: EilandSpa/Instagram)
Op die suidelike oewer van die Letabarivier, slegs 68 km oos van Tzaneen in die Limpopoprovinsie, lê ATKV-Eiland Spa in die hartjie van die Hans Merensky-natuurreservaat. Eiland Spa spog heeljaar met warm, sonnige weer en saam met die uiteenlopende natuurskoon is hierdie oord een van die gewildstes in Suid-Afrika.
Vanjaar kan matrikulante regmaak vir ʼn lekker opskop by ATKV-Eiland Spa. Oppi Eiland is beslis ʼn vakansie wat jy nié kan misloop nie, en vind plaas 4 tot 8 Desember 2023. Matrieks kan die einde van hul skoolloopbaan saam met vriende kom vier en kom skoene uitskop ná al die swoeg en sweet van die eindeksamen.
Volgens Divan Sealie, bemarker en vermaakkoӧrdineerder kan matrikulante die ware gasvryheid by die toevlugsoord in Limpopo geniet en lekker in die Bosveld kom feesvier, met vermaak uit die boonste rakke.
Matrikulante kan uitsien na kunstenaars soos Mensdom en Ouderdoos, ʼn verskeidenheid ontspanningsgeriewe en -aktiwiteite soos, put-put, waterglybaan, staproetes, visvang, perderitte en nog vele meer.
Kom geniet ʼn paar dae van pret, musiek en opwinding in die Bosveldson, waar elke dag somer is. Besoek gerus die webblad by https://eilandspa.co.za/ vir meer inligting oor die oord, of skakel die oord direk by 015 386 8000 om jou plek te bespreek vir hierdie ongelooflike matriekvakansie-ervaring.
Matrikulante word ook aangemoedig om ATKV-Eiland Spa se sosialemediaplatforms soos Facebook, Instagram en TikTok te besoek vir ʼn volledige Oppi Eiland-matriekfeesprogram.
Maak reg vir Oppi Eiland by ATKV-Eiland Spa – die plek waar die pret nooit ophou nie!
