Rian groet amptelik

Martin Bester en Tumi Morake (Foto: Kevin Mark Pass)

JacarandaFM se ontbytprogram sal eersdaags ʼn heel ander deuntjie sing.

Dié radiostasie het Woensdag aangekondig die gewilde radiopersoonlikheid Rian van Heerden gaan einde vandeesmaand amptelik die leisels oorgee.

Dié program sal voortaan aangebied word deur Martin Bester en Tumi Morake. Breakfast with Martin Bester & Tumi Morake is Woensdagoggend regstreeks op die stasie bekend gestel.

Bester is vir drie jaar agtereenvolgend aangewys as Suid-Afrika se gunsteling-radioaanbieder. Hy is ook bekend as Afrikaanse sanger, televisie-aanbieder en akteur. Sy mede-aanbieder, Tumi, het bekendheid verwerf as komediant, TV-ster, bekroonde aktrise, skrywer en ma van drie.

“Martin en Tumi bring ʼn wonderlike vermenging van persoonlikheid na die radiogolwe – Martin is trots Suid-Afrikaans, groothartig en vrygewig, en Tumi is braaf, snaaks en skerp. Saam is hulle gerat om ʼn energiebelaaide ontbyt op te dis wat bekend, maar skerpsinnig en trots Suid-Afrikaans is,” lui ʼn verklaring.

JacarandaFM se algemene bestuurder, Kevin Fine, sê dié twee aanbieders is die perfekte kombinasie vir ʼn splinternuwe “nog-nooit-vantevore-gedoen-nie-program”.

Luisteraars kan volgens Gavin Meiring, die programbestuurder, ook na nuwe hoogtes uitsien.

“Martin het ʼn uitstekende begrip van ontbytradio en om hom met iemand van Tumi Morake se kaliber saam te span, gaan sensasioneel wees,” sê hy.

Breakfast with Martin Bester & Tumi Morake word vanaf 3 Julie, tussen 06:00 en 09:00, uitgesaai. Luisteraars kan meer as R250 000 in deelnameprogramme in die eerste week van die program wen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

78 Kommentare

jongste oudste gewildste
Jessica

Rian het n grappie vertel”Comrades is the only thing the Guptas don’t run” en toe vang iemand op die span nie eens die grap nie? Ek luister na Rian, en klaar. Gaan jou mis Rian ? Slim, skerp humor ❤️

Johan. H.

Aag nee , sal jou mis Riaan , dink nie die 2 kan jou skoenne volstaan nie, Nee man bestuur laat die publiek self besluit of hulle SASIONEEL sal wees, Sal maar sien,,,

Nefie

Ag siestog, dis so polities korrek
Jakaranda pffft.. Ek hou van Rian maar nie van julle selektiewe sensorskap nie.

A

Gelukkig het ek jakaranda al 3 jaar terug afgeskryf. Hulle musiek was hopeloos en die kommentaar erger. Ek luister na verskeie gemeenskapstasies wat lekker musiek speel.

Pieter

Wat van Diane gaan sy ook weg