Kyk wie is terug in die Laan

Amor Vittone (Foto: Facebook)

Die Afrikaanse sangeres en televisie-aanbieder Amor Vittone is binnekort weer in 7de Laan te sien.

Vittone het Woensdag aan Maroela Media vertel sy is reeds hard besig om haar dialoog vir die volgende twee weke op stel te leer.

Zelda – die karakter wat die sangeres vertolk – het tydens haar verskyning in dié sepie verlede jaar amok in die Laan gesaai.

Vitonne sê dieselfde storielyn hervat, maar dié keer met ʼn paar kinkels en draaie.

“Die storie verander ʼn klein bietjie. Zelda het die mense van die Laan baie fyn dopgehou, en sy het nou besluit sy wil haar sussie gaan soek, en vrede gaan maak. Haar planne werk egter nie so goed uit nie,” skerts sy.

Sy sê Zelda gaan dié keer baie humor in die laan bring.

“Ek lag my dood as ek deur die dialoog lees. Daar is dele wat ongelooflik snaaks is! Dis vir my lekker dat daar dié keer weer humor ingewerk word. Zelda is só ʼn lekker karakter om te vertolk, veral omdat daar so baie fasette aan haar is.”

Sy sê haar rol as Zelda gee haar baie respek vir haar mede-akteurs. “Mense onderskat sepie-akteurs. Daar is soveel wat in ʼn karakter ingaan – veral emosie en voorbereiding om te verseker dat die karakter eg uitgebeeld word. Jy kom soggens vroeg op stel en leer tot middernag jou woorde. Die akteurs het ongelooflike toewyding. Gelukkig is ek pas terug van Spanje af, en boonop skrik ek nie vir werk nie,” sê sy.

Die sangeres is ook te sien op Skoonpa se tong op VIA en Dans in jou taal op kykNET. Sy is ook tans betrokke in besprekings in verband met ʼn splinternuwe VIA-werklikheidsreeks.

‘n Foto wat Amor op Facebook gedeel het (Foto: Facebook)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Adri

Wat? Is die gemors nog steeds op tv? Wie kyk sulke bog?

Genieve

Agnee asb so bly ek kyk nie 7de laan nie. Vervelig verby raak kwaad as my kinders dit kyk.

Geesi

Kon hulle nie maar eerder oubaas dan vir nog 2 weke betaal en aan gehou het nie

Ada

Vervang sy Oubaas ha ha ha

Swartkat

Dis wat gebeur as mense sommer uit die dode opstaan, moenie verbaas wees as Neville weer sy verskyning gaan maak nie – regte Nuwe SA sepie