Met Maroela Media en kykNET se sepiegids kan jy nou weekliks ʼn voorsmakie kry van die gebeure in jou gunstelingsepie.
Binnelanders
Weeksdae om 19:30 op kykNET
Maandag 8 Augustus
Conrad is oorgehaal om Sharon te konfronteer. Steve wonder hoekom Vicky nie aan ʼn skoolaktiwiteit wil deelneem nie. Zee se planne maak Danny nuuskierig.
Dinsdag 9 Augustus
Harde woorde val tussen Conrad en Hugo, en daar is groot kommer oor Ongevalle wanneer Tertius slegte nuus uit Australië ontvang. Conrad neem ʼn besluit oor die Magalies-kontrak.
Woensdag 10 Augustus
Naomi sien vir wie Joline loer, en Senzo se lewe verkeer in gevaar. Annelize en Conrad is bekommerd oor nuus rakende die Bassons. Ambisie maak Gaby boos.
Donderdag 11 Augustus
Conrad het genoeg gehad en maak nie ʼn moordkuil van sy hart nie. Danny voel skuldig oor ʼn ongeluk. Annelize dink Jeremy is onsensitief, en Conrad erken iets groots aan Steve.
Vrydag 12 Augustus
Die ongeluk het ʼn baie groter impak op Danny as wat hy self besef. Liam is benoud oor Sharon se aantygings, en Steve vra Tracy ʼn baie groot guns. Conrad se optrede beïndruk vir Hugo.
Suidooster
Weeksdae om 18:30 op kykNET en kykNET&kie
Maandag 8 Augustus
Justin en Susan nooi Wade en Angie om saam weg te breek. Elana is vasberade om Maggie se huwelik te red, terwyl Kaashifa geen lig aan die einde van die tonnel sien nie.
Dinsdag 9 Augustus
Elana probeer vir Ryno oortuig om huis toe te kom, maar dinge loop skeef. Wade en Angie se geldelike situasie raak al hoe moeiliker. Kate is ongelukkig met Kaashifa se besluit en gryp in.
Woensdag 10 Augustus
Die Du Plooy-huis sukkel om iemand se geheim te bewaar, terwyl Elana onverwags ’n besoeker kry. Wade en Angie vat kanse, en Siya bieg by Bridgette.
Donderdag 11 Augustus
Bridgette wil Siya opkommandeer, terwyl Justin en Wade probeer vrede maak. Intussen maak die Samsodiens reg om Kaashifa tegemoet te kom.
Vrydag 12 Augustus
Wade en Justin het ’n vurige uitval oor hulle maatskappy en veral oor Angie. Kaashifa probeer Rhafiek op ’n afstand hou, terwyl Elana sukkel om aan te pas ná sy vir Maggie-hulle groet.
Getroud met Rugby
Weeksdae om 18:00 op kykNET
Maandag 8 Augustus
Jana en Schalk het troukoors. Wouter bevraagteken Fafa se vermoë as afrigter. Amanda se obsessie met Philip is besig om handuit te ruk.
Dinsdag 9 Augustus
Amanda het planne met Philip. Buks en Nesie ontvang slegte nuus. Lulu word oorweldig deur haar eensaamheid.
Woensdag 10 Augustus
’n Onverwagse gas daag by die stadion op. Philip beland in Amanda se goeie boekies. Tim is vies omdat Jana by sy sake inmeng.
Donderdag 11 Augustus
Petro word steeds vermis. Lulu nooi Wouter vir aandete. Philip en Amanda is bang Tim skryf ’n artikel oor hulle.
Vrydag 12 Augustus
Amanda is jaloers wanneer Philip by ’n Pompom-meisie aanlê. Fafa sit sy voet as hoofafrigter neer. Buks en Nesie ontvang nuus oor Petro.
Arendsvlei
Maandag tot Donderdag om 19:30 op kykNET&kie
Maandag 8 Augustus
Dit is Beatrice se beurt om in Ingrid se hofsaak te getuig. Priester sit vas met Ingrid oor sy verhouding met Angel, terwyl Nicolene en Anton ’n impulsiewe besluit oor hul toekoms neem.
Dinsdag 9 Augustus
’n Onverwagte gas daag op in Arendsvlei en dit veroorsaak probleme vir Anton en Nicolene. Angel is geskok wanneer Priester sensitiewe inligting oor sy verlede met haar deel.
Woensdag 10 Augustus
Thys kondig aan dat hy Lionel en Janice genooi het om te kom domino’s speel en dat Bianca saamkom. Hein en Lukas bespreek hulle kinders se trouplanne en kom tot ’n besluit.
Donderdag 11 Augustus
Hein hou vol dat die troue uitgestel moet word. Lukas vind die waarheid uit oor Justin. Bianca nooi Thys vir ete en vandag is Emile se beurt om te getuig.