Dié slang het drie oë!

Foto: Northern Territory Parks and Wildlife

Natuurbewaarders van Darwin in die noorde van Australië het ʼn ongewone slang langs die pad opgetel. Die slang het drie oë in plaas van twee gehad.

X-strale het gewys die jong slang, ongeveer 40 cm lank, het ʼn ekstra oogkas op sy kop. Volgens ʼn plasing op die amptelike Facebook-blad van Northern Territories Parks and Wildlife, kan die slang ook met die derde oog ook sien.

Natuurbewaarders het gesê die ekstra oog het waarskynlik as ʼn embrio ontwikkel. Dit is “uiters onwaarskynlik” dat dit die gevolg is van omgewingsfaktore, het die organisasie gesê en bygevoeg misvorming kom gereeld by reptiele voor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

SêMaarNet ·

Ag en so het die Liewe Here die ou slangetjie OOK gemaak…

Valerie ·

Spesies: Skoonma Serpentes Tri Oculi. Vra my, ek weet waarvan ek praat.

En nou? ·

‘n Mens het meer as 3 oe nodig met die spesie waarna jy verwys!

Blaarman ·

So as ek reg verstaan, is hierdie nie ‘n genetiese afwyking nie, en dus sal die “derde oog” waarskynlik dus nie oorgedra word na die slangetjie se nageslagte nie?

Ek wonder nogal of hierdie derde oog ‘n voordeel of ‘n nadeel vir die slangetjie inhou. Aan die een kant gespekuleer word dat die slangetjie se brein nou meer inligting moet prosesseer… maar ek kan sien dat dit ook voordelig kan wees in terme van verbeterde diepte-persepsie en ‘n breër veld van sig, wat handig kan wees wanneer hy/sy jag.

Ronel ·

Verstaan ek verkeerd of hoe bedoel hulle die 3de oog het in embrio stadium ontwikkel? Sou dit skielik uitpop terwyl hy in die grassies seil? Natuurlik sou dit mos in die embrio stadium ontwikkel?

SoosDitIs ·

Oh nee daai is een lelike slang.. Ek kruip nou sommer onder my tafel weg.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.