Die foto van die ete by die onthaal wat die strooimeisie gedeel het
ʼn Foto wat ʼn strooimeisie op Facebook gedeel het van ʼn ete by ʼn troue word wyd gedeel ná sy dit vergelyk het met ʼn kleuter se middagete.
Gebruikers het gesê hulle weet nie of hulle moet lag of huil oor die ete wat aangebied is nie.
Etes by troues strek van aansit driegangmaaltye tot buffets en selfs ʼn braai, maar een bruid en bruidegom het hulself kritiek op die hals gehaal vir die ete wat hulle gekies het vir hul gaste.
ʼn Strooimeisie het ʼn foto op sosiale media gedeel van haar bordjie kos: ʼn pakkie skyfies, ʼn halwe croissant, twee tandestokkies met kaas en vrugte en ʼn bakkie komkommer, wortel en klein tamaties.
“Dit is letterlik wat ek vandag vir my kleuter saamgestuur het skool toe, sonder die pakkie skyfies,” het een gebruiker reageer, berig 7News.
“Hulle kon nie eers ʼn toebroodjie gee nie? Selfs nie eers ʼn halwe broodjie nie?” wou ʼn ander weet.
Dit is nie die eerste keer wat paartjies veroordeel word vir hul keuse van etes nie. ʼn Voornemende bruid se RSVP-kaartjie het onlangs ook kritiek op sosiale media uitgelok toe sy etes volgens die waarde van die geskenk aangebied het. Gaste moes uit een van vier “geskenk-vlakke” kies om te bepaal wat hulle tydens die onthaal sou kon eet.
Die laagste vlak, die “loving gift”, begin op $250 met gebraaide hoender of swaardvis as opsies vir die ete.
Die hoogste vlak, die “platinum gift”, is vir gaste wat tot $2 500 sou spandeer aan ʼn geskenk – en hulle kan enige ete op die spyskaart kies of ʼn 2 lb-kreef-ete.
Dit het na die tyd aan die lig gekom dit was net ʼn poets en is as ʼn grappie saam met die uitnodigings uitgestuur, maar in daardie stadium het talle gaste dit reeds aanlyn gedeel.
Die spyskaart wat grappenderwys saam met die uitnodiging uitgestuur is
Maak nie saak wat jy bedien nie. Die mense skinder in elk geval oor alles.
Baie waar.
ja mense skinder in elk geval, as die begroting gedruk het kon dit maar liewer mooi reenboog toebroodjies gewees het
Mense skinder ja, maar erens oortree jy die lyn van belaglikheid.
Dis ‘n klap in jou gaste se gesig. As jy dan nie ‘n behoorlike ete kan bekostig nie, trou in die oggend, en doen iets stylvol met sjampanje en troukoek en klein eetgoedjies. Ek sou my doodskaam as ek vir iemand so iets moes gee.
As dit is wat jou budget toelaat, moet dan eerder nie ‘n groot onthaal hou nie. Hahahaha net ‘n halwe croissant, nie eens ‘n hele een nie! lol
Wel, is jy by die troue vir die kos of om die paartjie is se geluk te vier. Vandag is toues bitter duur en dan daag sommige van die genooide gaste nie op nie. Dis bitter sleg, maar ek dink sy het hierdie gedoen om presies dit uit te lok en sy het die 100% reg gekry.
sprakenloos…
As jy nie finansies het nie trou dan in die hof. Baie gaste het onkostes aangegaan om troue toe te kom, petrol, geskenk, dalk mooi kleertjies vir kinders. Selfs toebroodjies sou beter gewees het as daar nie finansies is nie.
As die trougangers die bruid ken sou hulle weet wat om te verwag dis tien teen een van daai, kom net om te kuier, mense wat nou op hulle neuse kyk en druipstert is ha ha ha. Oor die toebroodjies: daar sal mense wees wat nou weer kla dat daar nie volgraan broodjies is nie, jy sal nooit almal tevrede stel nie as is die troue hoe eksklusief om alam l te pas
Nou wie op aarde dink die bruid skuld hulle énigiets? As mens arm is, is dit nou maar eenmaal so. As ek in daai bruid se skoene gestaan het, het ek die klaer laat weet sy is slegs welkom as sy haar eie kos saambring. Dis tien teen een nie eens ʼn aansit ete gewees nie en waarskynlik te vroeg vir selfs middagete. Het die klaer nie ʼn goeie ontbyt gehad nie?
Ek sou eerder dan glad nie ‘n ete gegee het as ek dit nie kon bekostig nie,of dan eerder middag koffie en tee met hand tertjies.
As filantroop en evangelis wat werk in gestigmatiseerde gemeenskappe, merk ek op dat die meeste respondente reageer vanuit ‘n posisie waar hulle self, nog nooit geseën was met materiële en fiskale uitdagings nie.
Van die mees opregte huwelike wat ek bevoorreg was om te bevestig, was toegeknus in ‘n warm opregtheid van eenvoud.
Mag daar oorvloedige guns en seën op hierdie huwelikspaar wees.
Hou n klein, stylvolle troue.
Sy het hulle glo ‘n poets gebak. Wel, nou weet sy wie is haar ware vriende. As my vriendin sulke kos wou bedien het, sou ek haar eerder wou help, as om haar te verkleineer op Facebook.
Miskien beter gewees het om te se daar sal net koffie tee en water wees. Geen onthaal nie dan sou sy haar ware vriende gesien het.
Troues is inelkgeval ‘n mors van geld. Spandeer baie geld net om 5 jaar later te skei.
Troues het ontaard in ‘n vreeslike geld spandeering. Sommige mense betaal tot 10 jaar later nog af aan ‘n troue. Ek is in 2002 getroud en my troue het R7500.00 gekos. Dit was klere, drankies vir ere gaste en blomme ingesluit, en dit was ‘n bitter lekker troue. Ons geheim was om alles self te doen en te reël. Almal het ingespring en gehelp om die troue ‘n sukses te maak.
“Wedding planners” bedryf ‘n besigheid en moet wins maak en het nie aldag jou plat beursie in gedagte nie.