Vermiste hond 3 700 km ver van haar huis gevind

 
  AFP

Mishka en Mehrad Houman is herenig (Foto: GPAAS-video/Facebook)

ʼn Hond wat in Kalifornië in die VSA verdwyn het, is meer as 3 700 km van sy huis in Detroit gevind.

Die polisie het die terrier-kruising genaamd Mishka, wat verlede jaar in Julie verdwyn het, opgetel en haar na ʼn diereskuiling geneem. ʼn Inwoner het aangemeld dat hulle ʼn rondloperhond naby Harper Woods, in Michigan, opgemerk het.

Personeel by die Grosse Pointe Animal Adoption Society (GPAAS) het ontdek sy het ʼn mikroskyfie en haar eienaars is 3 770 km daarvandaan in San Diego opgespoor. Dit is nie bekend hoe Mishka so ver gereis het nie.

Eienaar Mehrad Houman en sy gesin was toevallig met vakansie in die midwestelike stad Minneapolis toe Mishka opgespoor is, het GPAAS gesê.

Alhoewel die rit van Minneapolis, om haar by die skuiling op te laai, korter was as ʼn reis vanaf Kalifornië, het dit steeds 10 ure lank geneem.

“Dis ʼn storie wat Hollywood graag sal wil vertel,” het GPAAS Woensdag in ʼn plasing op Facebook gesê.

Foto’s en video’s wys hoe Mishka haar stert swaai toe sy met haar eienaars herenig is.

“Dit is die gelukkige einde wat ons almal wou hê,” skryf GPAAS.

Mishka sal saam met haar gesin na Kalifornië terugvlieg ná ʼn veearts haar ondersoek het.

This is a story you are really going to want to hear and see. This is a tale that Hollywood would love to tell. Dog gets lost and finds it's way across the country. A good samaritan finds the dog and contacts her local police department. From here, there is a stunning course of events that reunites the family with their lost dog. And GPAAS is right in the middle of it. PLEASE watch this knowing that the process works. A conscientious family microchips their beloved pet. An unfortunate event happens with the dog being separated from them. A local resident makes the right decision. The synergy between a municipality and it's local animal shelter shines brightly. The technology of the microchip reunites the long, lost pup with it's forever family. PLEASE WATCH WITH VOLUME UP. This video will make you feel good all over. #experiencegpaas #gpaashideout ✌❤

Posted by Grosse Pointe Animal Adoption Society (GPAAS) on Wednesday, April 3, 2024

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.