ʼn Video van ‘n eend wat wegkruipertjie speel met ʼn tier is baie gewild op sosiale media. Die kort video is reeds meer as 5 miljoen keer gekyk.
In die video bekruip die tier die eend in ʼn poel modderige water. Die roofdier beweeg versigtig nader aan die eend wat skynbaar onbewus is van die gevaar in die water.
Net toe die tier egter homself gereed maak om aan te val, duik die eend en verdwyn onder die water. Die tier is baie verbaas – hy kyk rond, maar kan nie die eend sien nie.
Die eend kom dan te voorskyn agter die tier en kan veilig uit gevaar beweeg.
Die video is deur die gebruiker Buitengebieden op Twitter gedeel, maar dit is nie bekend waar dit verfilm is nie.
“Eende is slimmer as tiers!” skryf een gebruiker.
Duck vs tiger.. ???? pic.twitter.com/dVYLgI02aO
— Buitengebieden (@buitengebieden) June 7, 2022
Is die eend se naam Zuma?
Oulike antwoord!