ʼn Ywerige muis in Wallis het bekendheid verwerf vir sy vernuf as tuisteskepper.
Rodney Holbrook het nie ʼn idee gehad hoe klein voorwerpe op ʼn toonbank in sy werkswinkel oornag in ʼn boks beland nie. Hy het ʼn kamera opgestel en ontdek dat ʼn muis, wat intussen Welsh Tidy Mouse gedoop is, verantwoordelik is vir die opruimingswerk, berig die Guardian.
“Ek kon my oë nie glo nie,” het Holbrook aan die BBC gesê. “Hy het allerhande items in die boks gelaai – stukkies plastiek, moere en skroewe.”
Holbrook is ʼn natuurfotograaf. “Ek ruim nou nie meer self op nie, ek weet hy sal dit doen. Ek los items uit die boks en 99 keer uit ʼn 100 sal die muis deurnag die toonbank kom netjies maak.”
Dit duur al byna twee maande lank voort. Holbrook raai die muis gebruik die items om klein stukkies kos weg te steek.
Dit is so cute. Klein muis dingetjie is hard besig om vir hom ‘n skatkis bymekaar te maak. Wonder wat is sy plan as die boksie nou vol is.
So oulik!
A “hoarder mouse”!!!!!!!!!!
Ag dis nou te kostelik. Ek hoop hy los ‘n ou kossie vir die muis vir al sy moeite elke aand.