Video: Olimpiese swemmer swem met glas melk op haar kop

Skermgreep uit die video

Die 23-jarige Katie Ledecky het al vyf goue medaljes verower by die Olimpiese Spele. Dié Amerikaner het ook al 15 wêreldkampioenskappe gewen – die meeste ooit vir ʼn vroulike swemmer.

Katie het egter Maandag op Twitter ʼn video gedeel wat sy as “een van die beste swempogings” beskryf. In die video swem sy die hele swembad se lengte met ʼn glas sjokolademelk op haar kop sonder om ʼn druppel te stort.

Wanneer sy aan die ander kant van die swembad kom, drink sy trots die glas melk en rus teen die swembadmuur.

Die video is reeds meer as 4 miljoen keer gekyk en volgens Insider was dit deel van ʼn nuwe “Got Milk?”-advertensie.

Katie het die video op haar Twitter- en Instagram-rekeninge gedeel. Sy het op Instagram gesê dit het uitermatige core strength vereis. “Ek moes my kern saamtrek, omdat ek nie kon beweeg nie. Ek moes doodstil bly terwyl ek swem,” het sy op Instagram-stories verduidelik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.