Het jy nog altyd gewonder hoe ervaar mense die Here? Het jy al gewonder of Hy nog met mense praat en hoe kry hulle te doen met sy liefde, genade en wonderwerke op ʼn alledaagse wyse? Janine van Niekerk, gospelmusiekbemarker en omroeper by Radio Kansel, het hierdie vrae aan gewone Christene – mense soos ek en jy – gaan stel en ʼn jaar later gaan jy hierdie stories kan lees in die boek, Aangename kennis, Here, wat einde Mei vrygestel word.
Esté Meyer Jansen het Janine na Maroela Media se ateljee genooi om met haar oor die boek te gesels.