Gekaapte pa veilig

Leon van Rensburg

Die polisie het bevestig dat Leon van Rensburg (52), wat twee dae gelede in Hillcrest buite Durban gekaap en sedertdien vermis was, veilig is.

Kol. Jay Naicker, het Donderdagaand aan Maroela Media bevestig dat Van Rensburg veilig is. “Sy naasbestaandes het aangedui dat hy met hulle kontak gemaak het en dat hy tans terug na sy huis in New Germany vervoer word vanaf Underberg.” Naicker sê die ondersoekbeampte in die saak sal Van Rensburg ondervra sodra hy weer tuis is. Geen verdere besonderhede is in die stadium bekend nie.

Van Rensburg, ‘n IT-spesialis, is omstreeks 9:00 Dinsdagoggend laas gesien toe hy sy werkplek in Hillcrest buite Durban verlaat het. Van Rensburg is glo in Frazerweg in Hillcrest gekaap. Hy het kort nadat hy gekaap is vir sy tienerdogter ʼn SMS gestuur wat gelui het: “Help, gekaap”. Sy dogter het egter eers vier uur later die SMS gesien het toe sy haar selfoon aangeskakel het nadat sy tuis gekom het van die skool af. Van Rensburg se vrou, Shirley, sê haar man het haar omstreeks 8:15 die oggend by haar werkplek afgelaai. Shirley het die Pinetown-polisie gekontak nadat haar die dogter die SMS van haar pa ontvang het dat hy gekaap is. Van Rensburg se wit Toyota Tazz is later verlate in Kokstad, sowat 200 km verder, gevind.

Nou pra' jý

Maroela Media hou van 'n lekker warm debat en wil aan alle kuiermense die geleentheid gee om hul mening te lug. Ons sal egter geen rassisme, seksisme, homofobie, vieslike persoonlike opmerkings, ander vorms van haatspraak of kru, kras en vuil taal duld nie. Maroela Media behou die reg voor om enige kommentaar te verwyder. Moenie die oom of tannie in die familie wees van wie niemand hou nie.

Een kommentaar

Die kommentaar is gesluit.