Foto: Facebook/ Ian Burgess-Simpson Pianos
Wêreldklavierdag word vandag op ʼn baie spesiale manier gevier.
Die Tafelberg-kabelkar sal in samewerking met Ian Burgess-Simpson Pianos vandag verskeie bekende pianiste op Tafelberg verwelkom. Dié pianiste sal tussen 10:00 en 16:00 op ʼn Shigeru Kawai-vleuelklavier op Tafelberg speel.
Pianiste soos Charl Du Plessis, Rocco de Villiers, Bokani Dyer Reolon, Coila Enderstein, Jill Richards en Elna van der Merwe sal as gaskunstenaars optree.
Die klavier moes spesiaal aangery, opgeslaan en ingestel word op Tafelberg – iets wat nog nie vantevore gedoen is nie.
“Wat ʼn wonderlike dag! Wie sal ooit kon raai dat ons ʼn klavier sal moet instel op Tafelberg,” is die inskrywing op Ian Burgess-Simpson Pianos se Facebook-blad.
-
- Foto: Facebook/ Ian Burgess-Simpson Pianos
-
- Foto: Facebook/ Ian Burgess-Simpson Pianos
-
- Foto: Facebook/ Ian Burgess-Simpson Pianos
-
- Foto: Facebook/ Ian Burgess-Simpson Pianos
-
- Foto: Twitter/ Splash PR
Mooi!!!!
Wat ‘n wonderlike inisiatief! Wens ek kon daar wees. Laat dadelik my Kaapse familie weet, my kleindogter speel klavier, sy sal baie belangstel. Ek hoop ons sien iets daarvan op die nuus.