Angus Buchan
Angus Buchan se boodskap is duidelik en op die man af – en dit kom direk uit die bladsye van die Bybel.
Die Bybel – met Grassroots-oordenkings deur Angus Buchan kombineer die volledige teks van die Nuwe Lewende Vertaling met die insig van 366 uitgesoekte oordenkings deur Angus. Angus se eenvoudige, praktiese voorbeelde sal lesers uitdaag om te groei en te leef na God se welbehae.
Lesers kan nou saam met Angus deur die Bybel stap. Dié Stiltetydbybel bevat ’n Bybelleesplan vir een jaar, teksverse vir spesifieke behoeftes en ’n lys Bybelse beloftes wat hulle sal help om God se beginsels vir die lewe te ervaar.
Die Bybel – met Grassroots-oordenkings deur Angus Buchan help gelowiges om terug te keer na God se beginsels. Dit is hier waar die belofte van ’n Geesvervulde lewe begin.
Oor die outeur
Angus Buchan het die roeping ervaar om die evangelie te verkondig, en in 1980 stig hy Shalom Ministries in Suid-Afrika. Hy skryf, neem TV-boodskappe op en reis om die woord van God aan mense wêreldwyd te bring. Hy is voltyds evangelis en ’n gewilde spreker. Angus en sy vrou, Jill, bly op die plaas Shalom in die KwaZulu-Natalse Middelland.
