Wendy Maartens
Ek lees self: Sigwoordboek bevat drie sigwoordboekies wat gegrond is op ses boeke uit Wendy Maartens se Ek lees self-leesreeks.
In die sigwoordboekies het Maartens die wenresep, wat sy jare lank in haar klas gebruik het om sigwoorde mee vas te lê, neergepen. Die resep is eenvoudig en sonder fieterjasies.
Dit is spesiaal saamgestel om as ondersteuningsmateriaal vir ouers tuis en onderwysers in die klas te dien.
Oor die skrywer
Maartens het op Worcester grootgeword, waarna sy op George skool gegaan en matriek behaal het. Sy woon tans op Melkbosstrand.
Maartens is veral bekend vir haar hervertellings waarin sy nuwe lewe in bekende en geliefde verhale blaas en die klassieke stories vir jong lesers toeganklik maak. Sy is die skrywer en samesteller van boeke soos Sprokies en ander gunsteling-stories, Die mooiste dierestories, Eendag op ’n reëndag, Vertel vir my ’n storie, Waarom Kameelperd se nek so lank is en ander dierestories, Towertapyt, Sylvester, ramkat van die Groot-Karoo, Halala Job Maseko en die Vaandeldraer-reeks.
Uitgewer: Lapa Uitgewers
Prys: R100,00*
*Prys onderworpe aan verandering
Koop die boeke by Graffiti Boeke
