Die volgende gedig is gekies vir publikasie in die AVBOB Poësiebiblioteek en word heruitgegee met die toestemming van die AVBOB Poësieprojek . Om dié biblioteek van meer as 18 000 gedigte in al 11 landstale te besigtig, klik hier.
“Retro” deur Clinton V. du Plessis
By hierdie plaashek
het ek vir jou bly wag,
met knapsak,
presenterige iets en fiets,
kam in die kous,
kruisband en hoed,
met dié in die hand mee gestaan,
soos dit ʼn heer van weleer betaam.
En jy sal weer kom:
jou hare gevleg, jou oë effe klam,
katoenrok wat kleef aan die lyf,
elke sproet op sy plek
en ek, na al hierdie jare, steeds gek
na jou,
sal, soos destyds, weer,
hoed in die hand, pleit
bly hierdie keer, by my,
asseblief.
- Ter wille van die konteks van hierdie gedig en ter wille van erkenning aan die bron versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red
Ek hou glad nie van julle nuwe “logo” op die “preview” van julle artikels nie. Lyk baie amateuragtig.