Gedig: Wete

Argieffoto (Foto: AnnaER, Pixabay)

Argieffoto (Foto: AnnaER, Pixabay)

Joan Hambidge (Geb. 1956)

Dit is nie die liggaam nie, nee –
want liefde is meer as lyf.
Dit is nie die oë nie, nee –
want liefde is meer as sien.
Dit is nie die hande nie, nee –
want liefde is meer as voel.
Nog minder die herinneringe –
dit is alles pynlik, verlore.

Met jou voel ek ʼn naelstring,
ʼn ondeurdringbare vlegsel,
vasgeknoop, vasgeheg, vasgebind.

Tot die dood ons saambring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Eliza-beth ·

Joan, nou het ek hoendervel! Baie, baie mooi! Dankie weereerns, Maroela!

Marie Breytenbach ·

‘n Nuwe uitvinding vir ‘n stokou leser. Ouma-groot word slim! dankie !

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.