Rose op iemand se pad strooi

Uitdrukking:
Rose op iemand se pad strooi

Betekenis:
Iemand se lewe veraangenaam

Waar kom dit vandaan?
Sedert Romeinse tye word rose of ander blomme by feestelike geleenthede gestrooi, byvoorbeeld by huwelike voor die jong egpaar (waar ons vandag konfetti strooi) as sinnebeeld van die maneskyn en rose wat hulle toegewens word. Kleopatra, byvoorbeeld, het by ‘n banket rose tot ‘n meter diep laat strooi; Nero het rose by ‘n fuifparty op sy gaste se koppe laat reën, en die Romeinse keiser, Elagabalus, het in die 3de eeu n.C. sy gaste so onder rose verswelg dat ‘n paar daarin verstik het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae