Uitdrukking:
Kaduks voel
Betekenis:
Oud en afgeleef voel
Waar kom dit vandaan?
Uit Nederlands kaduuk wat dit uit Frans caduc gekry het. Die oorspronklike Latynse woord caductus het “wat maklik val” beteken; daaruit volg “wankelend, swak”.
Uit die HAT:
ka·duks
1(a) gedaan; kapot: jou kaduks werk.
(b) (boeg)lam; oor ʼn mik: jou kaduks skrik • jou kaduks val.
2 siek(erig): kaduks voel • jou kaduks (aan iets) eet.
Bronne: Spreekwoorde en waar hulle vandaan kom en Handwoordeboek van die Afrikaanse Taal (HAT, 6de uitgawe)
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red