Woord:
afrokkel
Betekenis:
1 weglok deur vleiery/liefkosing/geld/ens.: kinders van hul ouers afrokkel • ʼn werknemer van sy/haar werk afrokkel deur hom/haar meer geld aan te bied.
2 op ʼn skelm manier van iemand kry: deur leuens geld van iemand afrokkel.
Waar kom dit vandaan?
Waarskynlike kontaminasie van Nederlands aftroggelen en afrokkenen. Die Nederlandse aftroggelen beteken “iets by iemand bedel, of iets deur aanhoudende gevlei by iemand verkry” (1644), terwyl afrokkenen “afspin” ʼn samestelling is van af en rokkenen waar laasgenoemde by uitbreiding “iets beraam, veroorsaak of teweeggebring wat ongunstig is” (1668) beteken.
Bronne: Etimologiewoordeboek van Afrikaans (EWA) en Handwoordeboek van die Afrikaanse Taal (HAT)
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ‘n skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. -Red