Woord:
bolmakiesie, bollemakiesie
Betekenis:
Beweging waarby iemand met sy lyf vorentoe oorslaan totdat hy weer regop is.
Waar kom dit vandaan?
Die herkoms van bolmakiesie is onseker, maar bol hou waarskynlik verband met Nederlands bol (Middelnederlands bolle) “bol” na aanleiding van die bondeltjie waarin die lyf getrek word voordat dit vorentoe oorslaan. Volgens Mansvelt (1884) kom bol dalk uit Nederlands bollen wat vroeër “draai, wentel” beteken het en bespiegel hy verder dat –ma- moontlik kan kom uit maar en –kiesie moontlik uit keesje “kees, bobbejaan”, sodat dit as geheel iets beteken soos “draai of wentel maar soos ’n bobbejaan”.
Vanuit Afrikaans ook in Suid-Afrikaanse Engels (1970).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.
Ek het altyd gewonder hoekom my oupa (wat nog uit die Hoog-Hollandse Bybel gelees het) gepraat het van “bommelakiesie”, totdat ek op ‘n slag die vonkel in sy oë gesien het. Hy het getoets wíé luister. En toe ontdek ek oor tyd die rits woorde wat hy só gebruik. Wat ‘n wonderlike leerskool..