Argieffoto (Foto: Congerdesign/Pixabay)
Woord:
kattebelletjie
Betekenis:
Die Woordeboek van die Afrikaanse Taal (WAT) en die Verklarende Afrikaanse Woordeboek verduidelik dat kattebelletjie twee betekenisse het. Dit kan ʼn klein briefie wees wat haastig neer gekrabbel is, of dit verwys na ʼn kleinerige stuk papier waarop iets geskryf kan word.
Waar kom dit vandaan?
“Kattebelletjie” is van die Nederlandse woord cartabel, wat aan die Italiaans ontleen is, afgelei. Die vroeëre betekenis van hierdie woord was “ʼn klein geskrif, of versameling los aantekeninge”, soos opgeskryf in die WAT.
Bronne: Woordeboek van die Afrikaanse Taal (WAT), Verklarende Afrikaanse Woordeboek
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red
