Woord van die week: stormjaag

Argieffoto (Foto: AlessandroSquassoni, Pixabay)

Woord:
stormjaag

Betekenis:
Vinnig en met geweld aanval, veral te perd.

Waar kom dit vandaan?
So genoem omdat na die vyand gejaag word op ʼn manier wat aan ʼn naderende storm herinner.

OOK:
Woord:
stormjaer

Betekenis:
1. Iemand wat stormjaag
2. Vetkoek
So genoem na aanleiding van die oorlewering dat tydens die Anglo-Boereoorlog (1899 – 1902) vetkoek gewoonlik haastig gemaak en deur die burgers geëet moes word, as ‘t ware so vinnig as wat die stormjaers tot ʼn geveg toetree. Vanuit Afrikaans in Suid-Afrikaanse Engels in die vorm stormjager (1900).

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Henk stander ·

Ek kan julle nie genoeg bedank vir hierdie deel van julle koerant nie. ń Taal leef voort as hy onderhou, maar ook ontwikkel word. Mens kan wel nie ontwikkel as jy nie die bestaande onderhou nie.

Ysters. Dankie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.