Ope brief: Jansen het gehelp om dié nuwe kultuur te skep

Foto: Sharon McCutcheon/Unsplash.com

Deur Chantelle du Preez

Geagte prof. Jonathan Jansen

Met verwysing na u artikel “What is a university now in SA? wat op 26 Julie 2019 deur Business Day gepubliseer is, is ek verbaas dat u glo dat u die kultuur kan kritiseer wat tans aan alle Suid-Afrikaanse universiteite bestaan terwyl u as rektor van die Universiteit van die Vrystaat self ’n groot rol gespeel het in die skep en goedkeuring van dieselfde kultuur wat sedertdien ontwikkel het tot die punt waar dit nie meer beheer kan word nie.

Daar was ’n tyd toe u u invloed kon gebruik het om hierdie ondier wat u nou kritiseer, te tem.

U het ’n verpligte module (die UFS 101) ingestel, waarsonder studente nie ’n graad kon verwerf nie –’n module wat nie deur ander instellings erken word nie en nie voorsiening maak vir ’n opinie wat verskil van dié van die meerderheid nie. Studente wat dít sou doen, sou druip of met ’n onvolledige graad eindig.

Dit is dieselfde taktiek wat politieke partye gebruik om propaganda op hul kiesafdelings af te dwing. Die meerderheid studente het versoekskrifte onderteken om hierdie module te skrap. U het geweier om na die studente te luister en hierdie module word vandag steeds op hulle afgedwing.

Huidige eerstejaarstudente sê die (onakademiese) besprekingsklasse is weinig meer as ’n geleentheid om diegene, wie se mening nie met die status quo ooreenstem nie, aan te val. Die UFS 101-sessies word gefasiliteer deur persone wat in hierdie vorm van propaganda ingekoop het of wat bloot die vergoeding nodig het. Student wat dit sou waag om hul telefone tydens ’n sessie te gebruik, word, byvoorbeeld, berispe. Waarom? Omdat hulle weet dat as ’n student ’n opname sou maak van die onsin waarna hulle gedwing word om te luister, akademici elders heftig daarop sou reageer.

Universiteite is juis omgewings wat kritiese denke moet kweek en aanmoedig, terwyl dit ook vryheid van spraak moet toelaat. Dit is ’n belangrike vaardigheid wat nie maklik elders ontwikkel word nie.

Die afskaffing van studentetradisies in koshuise is deur baie studente teengestaan ​​en het gelei tot gebrek aan respek en trots by koshuisstudente. Rudi Buys, een van u eerste slagoffers en voormalige dekaan, is afgedank en moes in u plek verantwoordelikheid vir hierdie veranderinge aanvaar. Jool, serrie en sêr is bedrywighede wat in die daaropvolgende jare van die kampus verwyder is.

Ironies genoeg haal u prof. Lis Lange aan – wat ’n instrumentele rol in die verwydering van Afrikaans as onderrigtaal aan die UV gehad het, met die doel om inklusiwiteit te bevorder. Maar nou is studente verder van mekaar verwyder as ooit tevore.

Universiteite het ’n plig om die ontwikkeling van al ons amptelike tale te ondersteun en om meertaligheid en multikulturalisme te bevorder, maar dit wil voorkom asof u doel was om kulturele identiteite heeltemal te vernietig en almal te dwing om ’n verwaterde, polities korrekte denkwyse te aanvaar.

Studentebetogings, onder meer die Shimla Park-protes in 2016, is na aanleiding van hierdie gebeure gehou. Verskeie briewe, as waarskuwing oor die veiligheidsrisiko’s tydens so ’n protes, is voor die tyd aan u gestuur, maar u het ons pleidooie geïgnoreer.

Die protes was nie vreedsaam nie, aldus ʼn ondersoekverslag. In dié verslag is getuienis gemanipuleer om die meerderheid weer eens te beskerm.

Ons het probeer om ’n ramp te keer. Ons het gehelp om studente uit koshuise te ontruim toe hulle deur betogers gedreig is, en ons het tydelike akkommodasie gereël terwyl daar chaos op die kampus was. Die betogers het die C.R. Swart-standbeeld op die kampus vernietig en tot vandag toe is daar nog geen stappe gedoen teen die betogers wat geweldsdade gepleeg het of eiendom verniel het nie.

Daar was talle gevalle waar nie-betogende studente geviktimiseer en geïntimideer is. Die oortredende studente wat deur onlustepolisie in hegtenis geneem is, se borgtog is deur die universiteit betaal. Watter gevolge het sulke studente ooit ervaar gedurende u tyd as rektor? U het sonder veel moeite toegegee aan byna al die eise in enige memorandum wat deur betogende studente aan u oorhandig is. Dit het bygedra tot die gevoel van “geregtigheid” wat ons vandag by studente sien, sowel as die “normalisering van geweld” waarvan u praat. U het nie daarin geslaag om studente, wat die naam en beeld van die universiteit in onguns gebring het, te dissiplineer nie; tog voel u dat u hierdie studente se gedrag nou kan veroordeel asof u sonder enige blaam is.

U is inderdaad reg wanneer u sê dat “universiteite die gevaar loop om niks meer te word nie as instellings vir tegniese opleiding wat outomate vir die arbeidsmark uitspoeg, gestroop van kritiese denke, onafhanklike redenering en ’n sin vir fatsoenlikheid”.

Dít is die toekoms van Suid-Afrikaanse universiteite, tensy individue die meerderheid begin teenstaan. Maar hul pogings sal nutteloos wees vir so lank daar onkundige individue soos u in universiteitsbesture is, en wat ’n groot salaris ontvang om beleidsveranderings te maak wat tot geweld en vandalisme onder studente lei.

Die enigste manier om so ’n kultuur op universiteite te voorkom, is dat universiteitsbesture moet ophou dans na die pype van betogers en politici en moet begin om waardes van wedersydse erkenning en erkenning onder studente te bevorder.

  • Chantelle du Preez is AfriForum Jeug se nasionale koördineerder vir kampusse.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

22 Kommentare

M Jansen ·

Nooit ooit sal ek vergeet hoe prof Jansen n haarkapper in Centurion gekritiseer het wat hom na bewering nie kon help vanweë sy unieke tipe hare nie. Só gebeur dit toe mos met my ook (nogals óók in Centurion) dat die haarkapper my reguit hare so skewekop aankyk en sê dat hulle nie met my “tipe” hare werk nie. So besef ek toe: dit was toe nooit n kwessie van die velkleur onder my hare wat die probleem is nie, maar dat die dametjie pleinweg net eenvoudig nie weet hoe om my tipe hare te sny en te stileer nie. En vreemd genoeg: ek het nooit koerante toe gegaan en dit as n vorm van rassisme (probeer) afmaak nie. Tog snaaks hoe ons mense van mekaar kan verskil.

Trots Afrikaans ·

Dit is presies dieselfde paadjie wat nou by Puk gevolg word. Die koshuis-kultuur en gees word met alle mag en gesag deur die universiteit se bestuur doodgedruk. Dosente wat nie Afrikaans magtig is nie, word aangestel om kursusse aan te bied waarvoor studente in Afrikaans geregistreer het. Sodoende word Afrikaans al hoe meer uitgefaseer. Verder is die studierigtings uiters verpolitiseerd en word studente aan die grootste klomp snert blootgestel. Ek kan nie wag dat ons kinders klaar studeer nie en ek hoop dat Solidariteit se planne vir ‘n Afrikaanse universiteit so gou moontlik kan realiseer. Veral as daar ook rigtings soos ingenieurswese en medies aangebied kan word. Ons kinders weier om skuldig of minderwaardig te voel omdat hul briljante, Afrikaners met ambisie en dryfkrag is.

Stephan de S ·

Wat n uitstekende en kundige uiteensetting vd werklikheid v SA se universiteite vandag. Ek wil soms huil as ek dink aan die ou Kovsies waar ek en my vrou en twee v ons kinders studeer het…….dis nou voordat die man met die magtige ego oorgeneem het.Vlgs n skrywer hierbo is Pukke nou op dieselfde pad…..wat maak Afrikanerouers nou met hul kinders?

Gert ·

Ek was self by ‘n ope dag waar Prof Jansen dit gestel het dat Afrikaans nooit sal verdwyn by Kovsies terwyl hy daar is nie. Presies ‘n jaar later het hy dit self afgeskaf.

Theoman ·

As oud kovsie is dit vir my n bitter pil om te sluk as ek lees en hoor van oud studente wat Jansen aan my alma mater gedoen het, dankie Chantelle vir jou eerlike en opregte openbaaring en kennis wat jy eestehands onder die swak en moedswillige bestuur van die “sogenaamde” Rektor Jansen ondervind het. Toesiens Kovs.

Therese van Schalkwyk ·

Puik opsomming van Jansen se vernietigingswerk op die Kovsiekampus.
Tragies vir enige oud-Kovsie.
Jonathan Jansen was egter, en is moontlik vir baie Afrikaanssprekendes nog steeds, ‘n groot held. Vroeë kritiek was bitter onwelkom. Tog jammer dat dit so lank neem vir oë om oop te gaan.

John ·

Ek moes nou die dag die UV besoek. Daar is geen parkeerplek beskikbaar nie met ‘n malende massa studente met proppe gedraad in die ore vir dringene breinoortappings uit die rugsakkie. Oorvol lesingsale kan geensins aangenaamd wees vir enigeen nie. Waarom diè een kampus so volstop. Die plek het geen karakter nie. Slote en hope en plastiekstringe vir nog ‘n plekkie kennis. Ek wou iemand gaan groet by departement Afrikaans en niemand, nie eens een van die paar wit studente, kon aandui waar die afdeling is nie. Prof Jansen se nalatenskap… net ‘n verwilderde Safas-nommer tussen duisende. Weet iemand waar is die bib… Sorry, where is the library? Don’t know? No, its ok, I will try somewhere else…

Ja swaer ·

Mens wonder of Jonathan Jansen geplant is om universiteitkultuur te vernietig en vervang met ongedissiplineerde onintellektuele brandstigters. En van samehorigheid sal daar net mooi niks kom nie. In plaas daarvan om nuwerwetse universiteite te skep, breek mense soos Jansen af wat gewerk het en dan wil hy wonder wat het fout gegaan

Jerry ·

Vanaf 2015 was dit reeds algemene kennis dat die staat, semi-staat instellings en akademiese inrigtings kaders naarstigtelik begin aanstel het om liberale sosialistiese denke kultuur te begin implementeer om kolonialistiese denke kultuur te vervang. Om nou te wil kla en kerm dat Jansen Afrikaanssprekende studente mislei het, nadat almal geweet het dat Jansen aangestel was om verandering te bestuur, is mostert na die maal. Afrikaner en Afrikaanse organisasies het die verandering halfhartig probeer vertraag, maar nie om dit te stop nie, want Afriforum/Solidariteit se plan was van die begin af om die staat uit te lok om die Afrikaner en Afrikaanses uit te sluit, ten einde Afriforum/Solidariteit die enigste heenkome vir Afrikaanses te maak. Afriforum/Solidariteit se strategiese bestaansreg is geskoei op die Afrikaner en Afrikaanses! Of die skrywer is onbewus van die stand van sake of erg naief om Jansen te blameer omdat hy toegelaat was om sy kader deel te gedoen het vir verandering! Mense wat nou nog nie die groter prentjie sien nie, is in groter moeilikheid as wat hulle ooit van kon droom om te wees!

Ja swaer ·

Jerry, Jerry, Jerry. Jy mis die punt heeltemal. Die onderwerp v bespreking is die gevolge v lamsakkige akademici soos Jansen se optrede, nie vir wie of wat Afriforum/ Solidariteit staan of wat hulle vermeende strategie is nie. Jou argument daaroor is in elk geval sinloos on ongesubstansieerd. Bly by die onderwerp van bespreking dan kan ons vordering maak

Mosterd ·

Jerry, alles is altyd die Afrikaner se skuld. Jou subtiele manier om nou weer Afriforum te blameer grens aan absurditeit. En enige iets wat dalk ‘n greintjie van geloofwaardigheid het, is altyd in jou opinie “mosterd na die maal”. En ja, die Afrikaner en Afrikaanses het ‘n bestaansreg en ons sal daarvoor baklei.

Patrys ·

Die instansie wat jou belange op die hart dra sal ondersteuning geniet. Niemand is perfek nie. Dis hoekom ons regering nog so baie steun geniet. Daar is meer mense wat actually dink dit wat hulle doen is tot hul voordeel as nadeel. Dit is die eintlike probleem.
Kom Solidariteit! Wanneer kan ons julle mediese en ingeneurswese rigtings begin swot? Dis net so nodig soos finansies en onderwys!

Pickering ·

Dis nou nie asof sy bekroonde “Knowledge in the blood” werklik minder verdelend is as enigeiets wat by Unisa uitgebraak word nie. Sy aanspraak op die hoogste standaarde is ook nie juis geregverdig deur die aanstelling van die einste Prof Lange nie. Indien enigeiets, volg Unisa bloot in sy spore.

Dirk ·

@Ja swaer. Ek stem saam met Jerry en dink dat dit jy is, ja jy Ja swaer wie dalk die punt mis. In die geval van Jansen en die UV staan Afriforum self agter die deur, terwyl die forum mense soos Jansen en die universiteite blameer vir propaganda doeleindes omdat Afrikaans gesneuwel het. Dit is geregverdigbaar, maar so ook is kritiek teenoor Afriforum se uitlokking taktiek en agterna blameer taktiek, ook. Herinner jouself aan wat die regter se uitspraak was in die saak oor Afrikaans tussen Afriforum vs UV wat daarop gedui het dat Afriforum alles in hulle vermoe gedoen het om hulself n ongunstige uitspraak op die hals te haal en waarna Afrikaans by alle ander universiteite ook daarna begin sneuwel het, uitgesluit Pukke. Die regter se uitspraak asook verskeie kenners se ontleding dui dus daarop dat Jerry se argument alles behalwe sinloos en ongesubstansieerd is. Om te wil voorgee dat Afriforum/Solidariteit net die waarheid verkondig terwyl hulle n selfbeskikkingsplan as enigste heenkome vir die Afrikaner jeug in die vooruitsig stel, is vals en misleidend, Ja swaer, en weet jy hoekom het Afriforum/Solidariteit n plan met die Afrikanerjeug, want as enigste heenkome verseker dit Afriforum/Solidariteit se bestaansreg vir die bou van n Afrikaner sakeryk. Niks fout daarmee nie, maar baie fout daarmee om te probeer voorgee dat doelbewuste taktiek wat owerhede uitlok om die Afrikaner uit te sluit en te isoleer nie gebruik is nie. Afriforum blameer en wys vinger na Jansen en kie, terwyl vele vingers terugwys!

Henning ·

Dirk en Jerry, ek kan net my kop in ongeloof skud dat mense wat kan lees en skryf daartoe instaat is om sulke absolute snert kwyt te raak. Julle sal Jansen se vernietigings werk waarskynlik nog beter kan doen.

Sinies ·

Elke keer wat hy nog n stukkie vernietiging gedoen het gaan kry het sy betaling by een of ander liberale VSA universiteit.

Anna ·

Ek hoop regtig Jansen kry hierdie artikel. Ek hoop ook dit word gegee vir al die ander universiteite se leiers. Dieselfde ding gebeur oral. Alles word verwoes.

Henning ·

Dirk en Jerry, ek kan net my kop in ongeloof skud dat mense wat kan lees en skryf daartoe instaat is om sulke absolute snert kwyt te raak. Julle sal Jansen se vernietigings werk waarskynlik nog beter kan doen.

Therese ·

@Henning
Jerry en Dirk is een en dieselfde persoon.
Maroela laat ‘beide’ trolle toe om Solidariteit en AfriForum onophoudelik verdag te maak.
Sy kommentaar is herhalend, hoogs irriterend en oortree talle bepalings en voorwaardes.
My opmerking word telkens verwyder, maar iemand sal dit iewers raaksien.

JohanL ·

Dankie Chantelle vir die inligitng – hoop dat JJ dit te siene kry. Hy was nog altyd vir my meer “bek as binnegoed”. Baie gepraat oor sekere “verkeerde goed” wat die liberale anti-koloniale massas gedoen het (dink maar aan afbreek van standbeelde), maar op die ou einde tog ingegee en toegegee. Ook maar goed hy is VSA toe.

Jabroer ·

10 uit 10 Chantelle. Julle mense van Afriform is die enigste Afrikaners wat ruggraat het en intelligent genoeg is om iets te sien vir wat dit is en te se wat gese moet word. Die res van ons mompel en moan nie. Ek betaal graag maandeliks iets vir die instansie wat iest vir my as Afrikaner doen en ek hoop meer mense skrik wakker en raak betrokke. Knap gedaan. Julle is geseend.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.