[Video] Baba laat pa skoon ‘skater’ van die skrik

Foto: Skermskoot uit die video.

Foto: Skermskoot uit die video.

ʼn Baba genaamd Marcelinha het in miljoene mense se harte gekruip ná ʼn kostelike video op YouTube gelaai is van hoe dié dogtertjie haar pa vreeslik terg.

In die video probeer Marcelinha se pa haar naeltjies sny, maar elke keer dat hy die skêr naby haar vingers bring, maak sy ʼn geluidjie, so asof sy seerkry. Marcelinha se pa skrik elke keer, en dan begin sy skater van die lag.

Dit is baie duidelik dat die baba dié speletjie geniet en sy lag te heerlik soos wat haar pappa by haar pleit om mooi stil te sit. Naderhand lê hy ook soos hy lag en die hele naelknipgedoente is skoon vergete.

Dié gesin van Brasilië se video is al miljoene keer op Facebook en YouTube gekyk.

Hierdie video sal jou laat skater van die lag!

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Uvonka ·

Oulik, oulik verby!!! Kan nie help om self lekker te skaterlag nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.