Foto verskaf aan Maroela Media
Onthou, die versoekings wat oor julle pad kom, is nie uniek nie; ander ondervind dit ook. God is getrou. Hy sal keer dat die versoeking te sterk vir julle word. Midde-in die versoeking sal Hy vir ’n uitweg sorg sodat julle dit kan verduur. (1 Korintiërs 10:13)
Die Bybel leer ons dat een van Satan se grootste doelwitte is om jou te verlei om sonde te doen – hoewel jou eie selfsugtige neigings vir seker sy pogings makliker maak. Net soos ’n haai aangelok word deur bloed, so word die duiwel aangelok deur jou swakhede.
Die sleutel is om vas te stel waar jy die kwesbaarste is – waar jy die maklikste geneig is om te sondig. Vra dan vir God om jou spesifiek in daardie areas te versterk. Hy belowe om jou te help veg teen die sonde en om Satan se aanslae te weerstaan wanneer hy jou weer aanval.
In watter area van jou lewe is jy die meeste geneig om verkeerd op te tree?
My geloof ….dat God sal voorsien op Sy tyd nie myne nie…dankie Here dat U my versterk..In Jesus Naam..Amen
Om in absolute gehoorsaamheid op te tree en te doen tot God se eer.
Vrede & vreugde
Die Duiwel dink hy is magtig
Maar…
Ons dien n ALMAGTIGE GOD!
HALLELUJAH!!!!!!