Hulle het nie die land met hulle swaarde verower, of die oorwinning deur eie krag behaal nie. Dit was deur u krag, deur u teenwoordigheid en u goedheid, omdat U hulle liefhet. (Psalm 44:4)
Kyk altyd verby die grootte van jou probleem en sien die grootheid van jou almagtige God. Wanneer daar groot dinge is wat gedoen moet word, is daar ’n groot God wat hulle deur jou wil doen. Vra vir Hom wat Hy deur jou wil bereik met sy groot krag wat in jou lewe aan die werk is. Vertrou Hom met jou hele hart.
Hoe kan jy vandag op God se krag staatmaak, en nie op jou eie krag nie?