Foto: pixabay.com
Moet my nie meer Naomi noem nie,” sê sy vir hulle. “Noem my nou liewer Mara, want die Almagtige het my lewe bitter gemaak.” (Rut 1:20)
Naomi het baie beslis swaargekry, swaarder as waarskynlik enige van ons. En sy het dit boonop verkeerd hanteer. Toe sy uiteindelik terugkom in haar dorp van oorsprong, Betlehem, maak sy daardie ontmoeting negatief. Toe sy herken en met warmte ontvang word, kla sy en praat met selfbejammering. Dit terwyl die Here vir haar warm en simpatieke mense gegee het wat haar kon help.
Die Here help ons elkeen deur iewers simpatieke mense te gee. (As jy nie so dink nie, let net beter op.) As ek hulle gebruik soos die Here wil hê ek moet, gaan hulle my help. Ek gebruik medemense reg deur te praat oor die feite en gevoelens van my swaarkry, maar nie deur selfbejammerend te praat nie. In jou swaarkry, soek jou Godgegewe helpers, praat en ontlaai jou hartseer. Moenie stilbly en probeer sterk wees nie. Maar moet ook nie jou én jou helpers in negatiwiteit inpraat nie.
Rut 1:20 is vir ons ’n kosbare les in hoe mens nié moet praat met jou helpers nie.
Dankie Here dat U ook in elke storm voorsien….net soos U alleen kan..Amen
Baie waar. Dankie vir hierdie plasing.