Ek is die Goeie Herder. Ek ken my skape en hulle herken My. (Johannes 10:14)
Herders speel van Genesis (4:2) tot Openbaring (7:17) ’n belangrike rol in die Woord. Bekende Bybelfigure soos Abraham, Moses en Dawid het skape opgepas. Ook Jesus gebruik die metafoor van herder wanneer Hy in Johannes 10:2-4, 11 die beskermende hand van God verduidelik. Hy sê:
- Ek is die Goeie Herder. Die Goeie Herder offer sy lewe op vir die skape. (10:11) So lief het Hy jóú, dat Hy – al sou jy die enigste mens op aarde wees – vir jou gesterf het. Moet nooit aan sy liefde vir jou twyfel nie.
- Ek ken my skape en hulle herken My … (10:14) Jesus ken meer as net jou naam. Hy ken jou ten volle: Die fisiese, intellektuele, sosiale, spirituele en emosionele sy van wie jy is. En Hy gee om vir elke deel van jou lewe.
As God jou so goed ken en jou so liefhet dat Hy sy álles vir jou gee, kan jy nog daaraan twyfel dat Hy ook vandag vir jou sal sorg?
Dankie dat U meer as net my naam ken. Dat U my hart in U s’n vashou.
AMEN!
Amen
ek moet dit elke dag leef !!!
God is amazing. Bly Hy is in my lewe.