Foto: pixabay.com
Ek sal hulle weer wonders laat sien soos toe Ek hulle uit Egipte uitgelei het. (Miga 7:15)
Dit is moeilik om ons die pad deur die Rietsee of die manna uit die hemel voor te stel. Die wonders wat in die Bybel opgeskryf is, klink vir ons soos antieke mites as ons nie in staat is om God se betrokkenheid in ons lewe vandag raak te sien nie. Net soos die farao blind was vir God se wonders wat reg voor sy oë plaasgevind het, sien ons ook soms nie die wonders wat God om ons doen nie.
Wanneer ons fyn oplet, sien ons hoe God op wonderbaarlike maniere teenwoordig is: in die geboorte van ’n baba, die ontdekking van ’n geneesmiddel vir ’n dodelike siekte, ’n asemrowende sonsondergang. God doen steeds wonders.
God is in staat – en gewillig – om die onmoontlike te doen om ons te help om sy werk te doen. Dit beteken dat geen situasie hooploos is nie. God moedig ons aan om in die geloof groot dinge te vra, nooit hoop te verloor nie en elke dag op die uitkyk te wees vir wonderwerke.
Vir watter wonderwerke gaan jy vandag op die uitkyk wees?
AMEN