“Hy sal roep, en Ek sal antwoord; in nood sal Ek by hom wees. Ek sal hom red en in eer herstel.” (Psalm 91:15)
Skrifgedeelte
Psalm 91:15 (NLV)
Oordenking
Die mens het ʼn ingebore behoefte aan gebed. Die hele skepping roep uit in gebed.
Gebed bestaan omdat die mens bestaan, en omdat God bestaan. Gebed is gebore uit die instink, behoeftes, begeertes en die wese van die mens.
Daar is geen beperkings op God se vermoë om deur opregte gebed te red nie. Die moontlikhede van gebed is gekoppel aan die oneindige regverdigheid en almag van God. Daar is niks wat te moeilik is vir God nie.
Gebed
Here, omdat alles moontlik is by U, weet ek dat die moontlikhede van gebed eindeloos is. Al wat ons moet doen, is vra. Amen.
- Hierdie oordenking verskyn in Mini-Oordenkings: Hoop vir elke dag deur Jimi le Roux. Dit word goedgunstiglik deur die Christelike Uitgewersmaatskappy/CUM verskaf.
Dankie Here dat Jesus Christus vir ons kom leer het oor gebede
Here, laat U Koninkryk kom.