Argieffoto: pixabay.com
Ek roep tot die HERE; ek pleit om die HERE se genade. Ek stort my klagtes uit voor Hom en vertel Hom van my kwellinge. Wanneer ek moed verloor, dan ken U my pad. Op die pad waarop ek loop, het hulle vir my ’n strik gestel. (Psalm 142:2-4)
Soms ervaar jy oorweldigende teenkanting en voel jy totaal hulpeloos. God herstel jou vertroue en herinner jou dat Hy jou net so sal verlos van jou probleme soos Hy dit in die verlede vir sy volk gedoen het.
Jy kan vol vertroue wees wanneer jy teenkanting ervaar in die wete dat God sterker is as jou grootste probleme en dat Hy sy krag sal gebruik om jou te help. Hy belowe om by jou te wees. Sy krag is vir jou beskikbaar wanneer jy binne sy wil lewe.
Watter teenstand moet jy vandag hanteer? Het jy God gevra om jou te help om dit te oorkom?
