Hoewel Hy ryk was, het Hy ter wille van julle arm geword, sodat julle deur sy armoede ryk kon word. (2 Korintiërs 8:9)
Jesus is ongelooflik goed vir ons. Hy het die hemelse eer en glorie wat Syne was, prysgegee ter wille van sondige mensekinders. Hy was gewillig om as gewone mens na die wêreld te kom, om arm te wees sodat dié wat in Hom glo die hemelse rykdom kon beërwe.
Jesus, die grootste Koning van alle tye, was gewillig om die hemel te verlaat en as ’n gewone mens gebore te word sodat jy God se kind kan word.
Ek glo die grootste toets vir menslike grootheid is ware nederigheid. ~ John Ruskin