Die oplossing van die geheim is in ’n gesig vir Daniël gegee. Daniël het toe die God van die hemel geloof en gesê: “Loof die Naam van God vir altyd, ja, altyd; aan Hom behoort wysheid en krag.” (Daniël 2:19-20)
God werk deur gewone mense. En heel dikwels gebruik Hy moeilike en uitdagende tye as ’n skool om sy mense voor te berei. Kom ons dink:
- Noag en sy gesin moet vir ’n jaar in ’n ark bly. Toe hulle uiteindelik kon uitkom, word Noag die vader van alle nasies;
- Naomi word van alles gestroop in die land Moab, maar sy en haar skoondogter gaan na Betlehem en hulle word deel van die grootste liefdesverhaal van die Bybel;
- Vir 15 jaar nadat Dawid aangewys is as die koning van Israel, word hy eers teruggehou. Wanneer hy uiteindelik vrygelaat word, skryf hy die wonderlikste psalms.
- Daniël word 70 jaar in Babilonië aangehou. In dié tyd skryf hy die boek Daniël waarin hy ons vertel van God se sorg in moeilike tye.
God kan die ongewone deur jou, gewone mens, doen! Vertrou Hom daarmee.
Gestuurde, stuur my.