[Video] Internet op hol oor drie manne wat op plaaspad litte losmaak

‘n Skermskoot uit die video

ʼn Video waarin drie jong mans van Stellenbosch in die Wes-Kaap ná ʼn lang dag op ʼn plaaspad litte losmaak op die maat van Brenda Fassie se “Vul’indela”, versprei soos ʼn veldbrand op sosiale media.

Marnus Kruger (26), Jaco Stofberg (19) en Ryan Hayes (23) het pas vanaf Stellenbosch by die Hammelhoek-plaas tussen Calvinia en Sutherland aangekom, en “wou maar net die einde van die lang pad vier”, vertel Kruger.

Hayes se ouers het aandele in dié plaas en die groep vriende het vir die naweek weggebreek.

“Dit was ʼn lang pad na die plaas gewees, en ons het boonop nog drie pap bande ook langs die pad gekry. Die grondpad is veral sleg. Toe ons uiteindelik by die plaas aankom en die laaste plaashek oopmaak, het ‘Vul’indela’ op die radio gespeel, en ons het net begin dans. Ryan het ons met sy selfoonkamera afgeneem wat hy op die instrumentpaneel gesit het.”

Hayes het dié video byna ʼn week later op sy Instagram-profiel gelaai. Dit was skaars ʼn dag, toe het die video soos ʼn veldbrand op sosiale media begin versprei.

ʼn Gewilde blad op Facebook, “Afrikaanse memes”, het dié video ook gedeel, en dit is nou al meer as 1,2 miljoen keer op Facebook gekyk.

“Ons het dit glad nie verwag nie. Vriende van wyd en syd stuur kort-kort boodskappe om te sê hulle het die video of nuus van ons êrens gesien. Ons wou maar net op die maat van só ʼn lekker liedjie Afrika en ʼn wegbreek-naweek vier, en dis gaaf as mense dit ook geniet.”

https://www.facebook.com/johan.coffee/videos/10154417862927797/

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
zahn

Sie boy! Tjyi!

Nettie

Dié een het my baie lekker laat lag. “Jan Groenbroekies” mag maar dans, hy het lekker ritme; die lat in die jeans dans ook goed, maar die ou in die swart kortbroekie lyk soos ‘n bronstige volstruismannetjie wat boude swaai voor sy wyfie! Lekker Boereseuns, dit wys julle – “White Men CAN jump!”.

ilze

LOVE DIT!!!
Sit jou net in ‘n happy mood as die dag te lank raak :)

Lovit

Dis vrek oulik!! My breed lat smile!

Dirkie

Great manne, julle is ysters. Julle het my laat besluit om n vuurtjie aan te steek en n lemonade te geniet.