Argieffoto (Foto: autumnsgoddess0/Pixabay)
Valentynsdag is om die draai en wat is dan nou lekkerder om te vier as die liefde? Maroela wou graag een van ons lesers bederf met R2 000 kontant sodat jy en ʼn geliefde dié jaar Valentynsdag sommer behoorlik kan vier.
Ronel Vermeulen van Plattekloof in die Wes-Kaap is die gelukkige wenner wat met dié kontantprys wegstap. Haar idee van ʼn romantiese afspraak is ʼn kombers op die strand met ʼn kers en ʼn mandjie vir twee gepak met lekker eetgoed, vonkelwyn, biltong en rose. Sy sê die maanlig en branders kan mens se liefde seël vir ʼn ewige lewe saam.
Geluk, Ronel!
*Bly ingeskakel op Maroela Media – ons het vanjaar nog opwindende kompetisies wat kom!
