Resep: Geroosterde mielies

Geroosterde mielies (Foto: Lapa-uitgewers)

Want hierdie vakansie gaan jy beslis die een of ander tyd mielies wil braai!

Lewer 6-7 porsies

Bestanddele

• 6-7 heel mielies

SOUS

• 1 t woestyn- of pienk sout
• ½ t growwe swartpeper
• 1 e olyfolie
• 1 e rou heuning
• 2 t gedroogde pietersielie
• ¼ t rissievlokkies
• 1 e amandelmeel (opgehoop)

GARNERING

• vars gekapte pietersielie

Metode

1. Berei die kole en rooster voor.
2. Meng die bestanddele vir die sous (behalwe die meel).
3. Plaas die mielies op ’n rooster oor die kole. Sprinkel meel oor die mielies en verf dit met sous. Draai dit elke 5 minute en verf weer sous oor. (Die meel help dat die sous aan die mielies kleef.)
4. Braai tot gaar en die sous ’n bros lagie vorm.
5. Garneer met vars gekapte pietersielie voor opdiening.

Bron: Karlien kan nie kook nie deur Izelle Hoffman en Karlien van Jaarsveld

Uitgewer: Lapa