Raita-doopsous (Foto: Lapa-uitgewers)
Raita word algemeen gebruik in Indiese disse. Bedien dit as ʼn doopsous vir pitabrood en naanbrood, of bedien dit saam met kerrie of groentedisse.
Lewer sowat 500 ml.
Bestanddele
- 250 ml grof gerasperde komkommer
- 250 ml Griekse jogurt
- 15 ml gekapte grasuie
- 15 ml gekapte kruisement of addisionele grasui
- 1 klein rooi of groen soetrissie, pitte verwyder en gekap (opsioneel)
- 2 ml mosterdpoeier of aangemaakte korrelrige mosterd
- 1 ml sout
- knippie witpeper
- knippie gemaalde komynsaad (opsioneel)
- 2 ml suiker
- 15 ml skerp vrugteblatjang of rissiesous
Metode
- Meng al die bestanddele saam kort voordat dit benodig word of meng vooraf en verkoel vir ʼn dag.
Bron: Lekker & vinnig: Doopsouse
Uitgewer: Lapa
